ترکیا راگھاند کو ئەرکێن وان ل ئەفغانستانێ خلاس بوونە و دێ ھێزێن خوە ژ وی وەلاتی ڤەکێشن.
وەزارەتا بەرەڤانیێ یا ترکیێ ب داخویانیەکێ راگھاند؛ ئەرکێن وان ل ئەفغانستانێ تەمام بوونە ژ بەر وێ ژی دەست ب ڤەکێشانێ کرنە.
ئەڤ بریارە پشتی وێ یەکێ ھات کو سەرۆک کۆمارێ ترکیا رەجەب تەییب ئەردۆگان بەریا کۆنترۆلکرنا کابولێ ژ ئالیێ تالیبان ڤە ھەول ددا کو ئامەریکا و ناتۆ و حکوومەتا کابولێ رازی بکەت کو ئاساییشا بالافرگەھێ بگریتە دەست خوە.
پشتی کۆنترۆلکرنا کابولێ ژ ئالیێ تالیبان ڤە، ئەنقەرێ ھەمان داخواز ژ تالیبان کر، لێ بەلێ تەڤگەرا تالیبان مانا ئارتێشا ترکیێ ل سەر ئاخا ئەفغانستانێ رەد کر.
بریارە ھەتا داویا ڤێ مەھێ ھەموو بیانیێن ل سەر ئاخا ئەفغانستانێ ژ وی وەلاتی دەرکەڤن.
