سه‌رۆكێ فرانسایێ ل شه‌ڤا ده‌رباسبوویی گه‌هشتییه هه‌ولێرێ پایته‌ختا باشوورێ كوردستانێ، مه‌دیا فرانسایێ ب ڤی ئاوایی جڤینا ماكرۆن و بارزانی باس كرییه: «ماكرۆن ژ بۆی رێزگرتنا ل پێشمه‌رگه‌هان دگه‌ل بارزانی دجڤه».
ئیمانوێل ماکرۆن، سەرۆکێ فرانسایێ ل شه‌ڤا ده‌رباسبوویی گهیشت هه‌ولێرێ و ژ هێلا نێچیرڤان بارزانی سه‌رۆكێ هه‌رێما كوردستانێ هات پێشوازی كرن، ماكرۆن سه‌ردانا مووسلێ دكه و وێ پشتره ل گه‌ل سه‌رۆك مه‌سعوود بارزانی، هه‌روه‌ها سه‌رۆكێ هه‌رێمێ، سه‌رۆك وه‌زیر و سه‌رۆكا پارلمه‌نتۆیا كوردستانێ جڤینان ل دارخه.
ل ده‌ربارا جڤینا ماكرۆن و سه‌رۆك بارزانی، مه‌دیا فرانسایێ ئه‌ڤ جڤین ووسا شیرۆڤه كرنه كو ماكرۆن ژ بۆی رێزگرتنا ل پێشمه‌رگه‌هان كو وه‌كه هێزه‌كه جه‌نگاوه‌ر پێش جڤاكا ناڤده‌وله‌تی ڤه شه‌رێ ته‌رۆرا داعشێ كرییه، وێ ل گه‌ل بارزانی بجڤه.
ماكرۆن 27 ته‌باخێ ب شه‌ڤ گهیشتبوو به‌غدا پایته‌ختا ئیراقێ و ل ور به‌شداری لووتکەیا هەڤکاری و هەڤبەشییا وەلاتێن هەرێمی بوو، ل شه‌ڤا ده‌رباسبووی گهیشت هه‌ولێر و ئیرۆ ته‌ڤی كو وێ سه‌ردانا مووسلێ بكه وێ ل گه‌ل رایه‌دارێن باشوورێ وه‌لات جڤینان ل دارخه.
