پێویست ناكه په‌كه‌كه وه‌له‌دێ خوه یێ حه‌رام بئاڤێته د كۆشا كۆبانییان دا
ئێریشا مه‌دیاییا په‌كه‌كێ ل سه‌ر رومه‌تا كوردستانێ ده‌وام دكه، بژلی ده‌ره‌وان، هه‌ر چ كه‌لامێ قرێژ، نه‌رینێن گه‌مار هەنە پارڤه دكه، هه‌ری داوی ئاژانسا ANHAیێ یا په‌یه‌دێ، بالێ په‌كه‌كێ یێ رۆژئاڤا كوردستانێ گۆتییه كو: «شێنیێن كۆبانیێ بانگ ل په‌ده‌كێ كر ده‌ڤ ژ خیانه‌تێ به‌رده»!!.
ل رۆژا 4 ئیلۆنا 2021ێ، ئارتێشا تركیێ ئێریشه‌كه ئاسیمانی ل هه‌رێما گارێ كر، 7 چه‌كدارێن رێخستنێ هه‌ده‌ف كرن، ئاژانسێن ده‌وله‌تا داگیركه‌ر، ئه‌ڤ نووچه پارڤه‌كر و وه‌زاره‌تا پاراستنا نه‌ته‌وی یا تركیێ ژی دیمه‌نێن ڤێ ئێریشا هه‌وایی ل تویته‌را خوه دانان، لێ به‌لێ هه‌په‌گێ داخویانی دا و گۆ: په‌ده‌كێ ئه‌و 7 گه‌ریلا كوشتنه، نه تركیێ!!.
ل هه‌مان رۆژێ به‌رده‌ڤكێ په‌ده‌كێ، داخویانی دا و ئه‌ڤ ئیدیعایێن هه‌په‌گێ ده‌ره‌واندن و گۆ: «په‌كه‌كه ب ئه‌نقه‌ست نووچه‌یێن ده‌ره‌و پارڤه دكه، ژ بۆ كو جینایه‌ت و ته‌وانێن خوه پێ ب په‌چنه».
ژ وێ رۆژێ ڤه، په‌كه‌كه بێ ناڤبر مه‌دیایا خوه ل دژی حكوومه‌تا باشوور، پێشمه‌رگه‌هان و په‌ده‌كێ سه‌رڤیس كرییه و هه‌ر چ كه‌لامێ قرێژ، نه‌رینێن گه‌مار و ده‌ره‌وه‌كا هه‌یی، پارڤه دكه.
هه‌ری داوی ئیرۆ رۆژا پێنجشه‌می 9/9/2021ێ، ئاژانسا ANHAیێ یا په‌یه‌دێ، بالێ په‌كه‌كێ یێ رۆژئاڤا، نووچه‌یه‌ك وەشاندیە و تێده گۆتییه كو: «شێنیێن كۆبانیێ بانگ ل په‌ده‌كێ كر ده‌ڤ ژ خینانه‌تێ به‌رده»!!.
هه‌ر تشتی سینۆر هه‌نه، ته‌نێ بێئه‌خلاقییا گرووپا ئه‌نقه‌رێ نه‌به!!
پێشمه‌رگه ب ئه‌خلاقێ خوه ژ بۆی كوردستانێ بوویە روومه‌ت، په‌كه‌كه ژی ب بێئه‌خلاقییا خوه ژ بۆ كوردستانێ بوویە به‌لا
هه‌ر تشتی سینۆر هه‌نه، ته‌نێ بێئه‌خلاقییا په‌كه‌كێ و «گرووپا ئه‌نقه‌رێ» نه‌به، رۆژا كو ته‌رۆرا داعشێ 80%ێ ئا كۆبانیێ داگیر كری، په‌كه‌كه ل كو ده‌رێ بوو؟.
هه‌ر كورده‌ك دزانه كو ب گهیشتنا پێشمه‌رگهان بۆ كۆبانیێ، هه‌ڤسه‌نگییا شه‌ر هات گوهه‌رین، پێشمه‌رگه‌هان سینۆرێن سێ ده‌وله‌تێن داگیر كه‌ر به‌زاندن ژ بۆ كو د هاوارا كۆبانیێ، شێنیێن كۆبانیێ و برایێن خوه یێن شه‌رڤان بچه، ئه‌ڤ یێك ئه‌خلاقێ پێشمه‌رگه‌هانه، ژ به‌ر ڤێ سه‌ده‌مێ گه‌لێ كورد پێشمه‌رگه ب «رومه‌تا كوردستانێ» ناڤ كرنه.
بوویه‌را 4 ئیلۆنێ جاره‌ك دن په‌كه‌كه فڕاند به‌ر په‌ڕێن ئاسیمانان!!
بوویه‌را 4 ئیلۆنێ، ژ به‌ر دو سه‌ده‌مان په‌كه‌كه و رێڤه‌به‌رێن وێ، ب بێئه‌خلاقی و خیانه‌تێ فراندن به‌ر په‌ڕێن ئاسمانان:
ئا یه‌كه‌م: تركیێ ئه‌شكه‌ره گۆ كو ئارتێشا مه ئه‌ڤ ئێریش كر و دیمه‌نێن هه‌ده‌ف كرنا 7 گه‌ریلایان پارڤه‌كرن، لێ به‌لێ په‌كه‌كێ ژ تركان ره گو نا، هوون برایێن مه‌نه، ده‌ما مرۆڤ برا به، دڤێ عه‌یبێ هه‌ڤدو ب په‌چنه، وه 7 گه‌ریلا قه‌تل نه‌كرنه، په‌ده‌كا داگیركه‌ر قه‌تل كرنه!!.
ئا دوویه‌مین: په‌كه‌كێ خیانه‌ت ل كادرۆ و چه‌كدارێن خوه كر، لێ به‌لێ ئه‌ڤ نه‌جارا یه‌كه‌مین و دوویه‌مینه په‌كه‌كێ خیانه‌تێن ووسا دكه، ل سالا 1992ێ په‌كه‌كێ خیانه‌ته‌كا هەری مەزن ل كادرۆیێن خوە کر، وه‌ختا د ڤێ سالی دا رێخستنێ شەر ب حکوومەتا هەرێما کوردستانێ فرۆشتی، ل ناڤچەیا حەفتەنینێ 19 گەریلا بریندار كه‌تن، په‌كه‌كێ بریندارێن خوه راكرن شکەفتەکێ و ل ور هشتن، پشتره په‌ده‌كێ ژ په‌كه‌كێ خوه‌ست وان ل نەخوەشخانەیەکا هەولێرێ ته‌داوی بکە، لێ بەلێ جەمیل باییک د به‌رسڤا ڤێ داخوازێ ده گۆ: «كوشتنا گەریلایێن بریندار پڕ ب رۆمەت ترە ژ وێ یەکێ کو په‌ده‌كه وی ته‌داوی بکە».
پشتره ب بریارا جەمیل باییک تەقە ل وان گەریلایان تێ کرن، 18 ژێ کوشتن و یێك ب ناڤێ «جاهیدە» کو خەلکا دیرکێ یە ساخ ژ وێ قه‌تلعامێ خه‌لاس دبه، پاش کو «جاهیدە» دگەهه جهه‌ك ئارام راستیێ ژ هەر کەسی را دبێژه.
په‌كه‌كێ ل سالێن هه‌شتێ و نۆتێ چه‌كدارێن خوه ل سه‌ر بنگه‌ها دژاتییا په‌ده‌كێ و باشوور په‌روه‌رده دكرن و ژێره دگۆ: «په‌ده‌كه دژمنه، ترك برایه»، مخابن ئه‌ڤ رێخستن هه‌یا رۆژا مه یا ئیرۆ ژی ب ده‌رسێن ووسا چه‌كدارێن خوه په‌روه‌رده دكه.
كورد دبێژن: «كه‌ڤران نه‌ئاڤێژه كانییا ته ئاڤ ژێ ڤه‌خواری»، شێنیێن كۆبانیێ كه‌ڤر نه‌ئاڤێتنه پێشمه‌رگه‌هان، په‌كه‌كه ڤێ دكه، ئه‌م كۆبانی باش دزانن كێ نه‌هشت كۆبانیێ بكه‌ڤه، دزانن د رۆژا ته‌نگاسیێ ده برا پێشمه‌رگه چ قاس مه‌رد و جامێر بوونه، هه‌ر وها دزانن په‌كه‌كه دخوازه مه د شه‌رێ خوه یێ قرێژ ده ل دژی باشووری ب كار بینه، هه‌گه‌ر نا كۆبانی تو جاران مه‌شا پێشمه‌رگه‌هان یا د كو سینۆرێ 3 ده‌وله‌تێن داگیركه‌ر ره ده‌رباسبوویی ژ بیر ناكن، شێنیێن كۆبانیێ ئه‌خلاقێ پێشمه‌رگه‌هان دزانن و یێ په‌كه‌كێ ژی، لۆما پێویست ناكه په‌كه‌كه وه‌لدێ خوه یێ حه‌رام خوه ب ئاڤێته د كۆشا كۆبانییان دا.
