كونسلخانه‌یا ئه‌مه‌ریكایێ هێرشا شه‌ڤا ده‌رباسبوویی یا ل سه‌ر باله‌فرگه‌ها هه‌ولێرێ ب توندی شه‌رمه‌زار دكه‌ت و رادگه‌هینیت كو پشتگرییا ئه‌مه‌ریكایێ بۆ باشوورێ كوردستانێ دێ به‌رده‌وام بیت.
كونسلخانه‌یا ئه‌مه‌ریكایێ هه‌ولێرێ ئیرۆ رۆژا یه‌كشه‌مبی 12/9/2021ێ، هێرشا شه‌ڤا ده‌رباسبوویی یا ل سه‌ر باله‌فرگه‌ها هه‌ولێرێ ب توندی شه‌رمه‌زار كر كو ب رێیا دو باله‌فرێن درۆن یێن ب چه‌ك پێكهاتییه.
كونسلخانه‌یا ئه‌مه‌ریكایێ دبێژیت: ده‌واما ڤان هێرشان ب خه‌ته‌ری ل سه‌ر سه‌روه‌رییا ئیراقێ تێن حه‌ساب كرن، ئه‌م پشتگریێ دده‌ینه حكوومه‌تا باشوورێ كوردستانێ ژ بۆ لێكۆلینێ و ده‌ست نیشان كرنا به‌رپرسیارێن هێرشێ.
د داخویانییا كونسلخانه‌یا ئه‌مه‌ریكایێ دا هاتییه كو ئه‌مه‌ریكا دێ ل سه‌ر پشتگرییا هه‌رێما باشوورێ كوردستانێ به‌رده‌وام بیت.
