ئیسرائیل: ئیران درۆنان بۆ حه‌شدا شه‌عبی دابین دكه‌ت

ئیسرائیل: ئیران درۆنان بۆ حه‌شدا شه‌عبی دابین دكه‌ت

وه‌زیرێ به‌رگریێ یێ ئیسرائیلێ رادگه‌هینیت، كۆمارا ئیسلامییا ئیرانێ باله‌فرێن درۆن ژ بۆ حه‌شدا شه‌عبی و ملیسێن وی دابین دكه‌ت‌.

ئیرۆ رۆژا یه‌كشه‌مبی 12/9/2021ێ، بینی گانتس وه‌زیرێ به‌رگریێ یێ ئیسرائیلێ د جڤینا په‌یمانگه‌ها ناڤنه‌ته‌وه‌یی یا دژی ته‌رۆرێ راگه‌هاند، ئیران ژ بنگه‌ها كاشان یا ل باكورێ ئه‌سفه‌هانێ، چه‌كدار و میلیسێن ئیراقێ ل سه‌ر ب كار ئانینا باله‌فرێن درۆن په‌روه‌رده‌ دكه‌ت‌.

رۆژنامه‌یا یه‌دیعۆت ئه‌حرۆبۆت یا ئیسرائیلێ ناڤه‌رۆكا جڤینا بینی گانتس به‌لاڤ كرییه‌.

وه‌زیرێ به‌رگریێ یێ ئیسرائیلێ ئه‌شكه‌ره‌ كر، ئیران وان درۆنان چێدكه‌ت و سپایێ پاسداران ژ بۆ میلیسێن ئیراقێ و یه‌مه‌نێ دشێنیت.

بینی گانتس ته‌كه‌ز كر كو میلیسێن حه‌شدا شه‌عبی ب ده‌هان درۆنێن پێشكه‌تی یێن ئیرانی هه‌نه‌ و د ئێریشێن سه‌ر هێزێن ئامه‌ریكایێ ده‌ ب كار تینه‌.

بینی گانتس ل وێ باوه‌رێ یه‌ كو ئه‌و باله‌فرێن درۆن یێن كو ئیران چێدكه‌ت‌ و بۆ ملیسێن شیعی دشینیت، د ئالیێ ئارمانج گرتنێ دا‌، تام ده‌قیقن.

پوستێن ھەمان بەش