فرۆکەیێن رووسیایێ چەپەرێن ل چیایێ کوردان بۆمبەباران کرن، هەروهها ژ بەر مووشەکبارانا هێزێن رەژیما سووریێ ل باشوورێ ئدلبێ زارۆکەکی ژیانا خو ژ دەست دا و 5 کەس بریندار بوون.
ل گۆر رەوانگەها سووری یا مافێن مرۆڤان، هێزێن حکوومەتا سووریێ باژارۆکێ کفێر ل باشوورێ باژارێ جسر شخوورێ یێ ئدلبێ مووشەکباران کرن.
ل گۆر زانیاریێن وێ رەوانگەهێ، د ئەنجاما مووشەکبارانێ دا زارۆکەکی جانێ خوە ژ دەست دا و 5 سڤیل ژی بریندار بوون.
هەروهها فرۆکەیێن رووسیایێ ژی ناڤچەیا چیایێ زاویە ل باشوورێ ئدلبێ و چەپەرێن چیایێ کوردان ل باکورێ لازقیێ بۆمبەباران کرن.
ژ دەستپێکا ئیلۆنێ ڤە، فرۆکەیێن رووسیایێ 157 ئێریش ل ئدلب، حەلەب، حەما و لازقیێ کرنە.
