مەدیا فەرمی یا رەژیما سووریێ ب زارێ ژێدەرەکی وەزارەتا دەرڤە و کۆچبەران یا سووریێ راگھاند، ل گۆر دەستوور و یاسایێن سووریێ، مافێ وەلاتێ وان ھەیە بەرسڤێ بدتەە کریارێن دژمنانە یێن ترکیا داکو سنۆرەکێ ژ بۆ وان دانیت.
ژێدەرێ حکوومەتا سووریێ ب داخویانیەکێ گۆتیە: “ل گۆر پرەنسیبێن یاسایێن ناڤدەولەتی یێن پەیوەندیدار، سووریا ھەموو بەرپرسیاریێن یاسایی، سیاسی و دارایی تیخیتە سەر ملێ دەولەتا ترکیا.”
د بەردەوامیا داخویانیێ دا ھات دیارکرن: “سووریا کریارێن ترکیێ یێن دژمنانە ل سەر خاکا خوە، وەکی کریارکا ئێریشکار و بنپێکرنا سەروەری و سەرخوەبوونا وەلاتێ خوە دبینیت، ئەڤ کریارە ژی بەشەکە ژ سیاسەتێن ئێریشکارانە یێن ترکیێ یێن زێدەتر ژ دەھ سالان ئەنجام ددەت.”
ژێدەرێ فەرمی یێ ژ وەزارەتا دەرڤە و کۆچبەران دایە خویاکرن، سووریا بانگ ل سکێرتەرێ گشتی یێ نەتەوەیێن یەکبوویی و ئەنجوومەنا ئاسایشا ناڤدەولەتی دکەت کو ل ھەمبەر کریارێن دژمنانەیێن ترکیا ھەلوەستەکا زەلال و ئاشکەرا وەربگرن.
