تەڤگەرا تالیبانێ نوونەرێ وەلاتێ خوە یێ ل نەتەوه‌یێن یەکبوویی دیار كر و ئه‌مەریکا و به‌ریتانیا ژی ل سەر ناسینا حکوومەتا تالیبانێ رێکكەفتن.
سەرۆکێ ئه‌مەریکایێ جۆ بایدن و سەرۆکوەزیرێ بریتانیا بۆریس جۆنسۆن د جڤینەکێ دا ل واشنگتۆنێ دا ل سەر ناسینا حکوومەتا کو تالیبانێ راگهاندییه رێکكەفتن کو ب مەرجێ هەماهەنگ بە.
بەردەڤکێ ئۆفیسا بۆریس جۆنسۆن ژی د بەیانامەیەکی دا راگەهاند، جۆ بایدن دیار کر کو ب کارانینا هەموو رێ و ئاموورێن دیپلۆماسی و مرۆڤی ژ بۆ رێگرتنا ل بوویەرێن کارەساتا مرۆڤی ل ئافغانستانێ گرنگە.
بەردەڤکێ سەکرەتەرە گشتی یێ نه‌ته‌وه‌یێن یه‌كبوویی ئانتۆنیۆ گوتێرێس، فەرحان حەق ژی راگەهاند، تالیبانێ بەردەڤکێ پۆلیتبورۆ یا تەڤگەرێ محه‌مه‌د سوهێل شاهین وەک نوونەرێ ئافغانستانێ ل نه‌ته‌وه‌یێن یه‌كبوویی دیار کرییە.
فەرحان حەق ژی ئاشکەرا کر، حکوومەتا تالیبانێ ب فەرمی سەکرەتەرە گشتیێ نه‌ته‌وه‌یێن یه‌كبوویی ئانتۆنیۆ گۆتێرێس ئاگاهدار کرییە کو محەمەد سوهێل شاهین وەک بالیۆز ئانگۆ نوونەرێ ئافگانستانێ ل نه‌ته‌وه‌یێن یه‌كبوویی هاتییە دەستنیشان کرن.
بەردەڤکێ پۆلیتبورۆ یا تالیبانێ محەمەد سوهێل شاهین ل ده‌وحه یا پایتەختا قەتەرێ د دانوستانێن ئه‌مەریکا و تالیبانێ دا خوەدی رۆلەکی سەرەکی بوو.
