وەزیرێ کارێن ناڤخوە یێ فره‌نسایێ راگه‌هاند کو ئەو دێ چەندین مزگەفتان و گەلەک کۆمەلەیێن کو گومان هەیە پرۆپاگاندایا ئیسلامی یا رادیکال دکه‌ن، بگرن.
گەرارد دارمانن بۆ رۆژنامەیا لۆفیگارۆ گۆت کو یەک ژ سێ یا 89 جهـ و پەرەستگەهان، ژ هێلا سازیێن ئیستخباراتی ڤە، ب گومانبارییا بوویینا رادیکال هاتنە دەستنیشان کرن و دیاركر، ئەڤ ناڤەند ژ مژدارا 2020ێ ڤه ل بن چاڤدێری و كۆنترۆلێ نه.
دارمانن دا زانین کو بۆ گرتنا 6 ژ وان په‌رستگه‌هان ل سەرانسەرێ فره‌نسایێ، کریار هاتنە دەست پێ کرن.
هه‌روه‌ها گۆت: کاربدەستێن فره‌نسی داخواز دکه‌ن کو وەشانخانەیێن ئیسلامی یێن ب ناڤێن «ناوا و لیگا» پاراستنا ئافریکایا رەش «لدنا» ژی بهێنه گرتن.
دارمانن گۆت: سازییا «ناوا» قرکرنا جهوویان تەشویق دکە و کەڤرکرنا هۆمۆسەکسوئەلان رەوا دکەت، هه‌روه‌ها «لدنا»یێ د خەزیرانا سالا رابووری دا، ل پێش بالیۆزخانەیا ئامەریکی یا ل پاریسێ ل دژی توند و تیژییا پۆلیسان خوەپێشاندانەک ل دارخستبوو و ل وێرێ بانگا نەفرەت و جوداکاریێ کربوو.
حكوومه‌تا فره‌نسایێ پشتی کوشتنا مامۆستا «ساموئەل پاتی» ل جۆتمەها 2020ێ دەست ب بریارێن ب وی رەنگی کر.
مامۆستە پاتی، ژبەر کو د دەرسەکێ دا کاریکاتورێن «محەمەد پێغەمبەر» کو ژ هێلا کۆڤارا «چارلی ئێبدۆ» هاتبوو وەشاندن، نیشان دا، ئه‌و بوو ئارمانج و هاتە کوشتن.
وه‌زیرێ ناڤخوه یێ فره‌نسا بانگ ل والیێن پارێزگه‌هان کر کو ئێدی دەستوورا روونشتنێ یێن مه‌لایێن کو ژ وەلاتێن بیانی ڤە هاتینە شاندن، رەد بکه‌ن.
