ئارتێشا ئیرانێ راگھاند، ئەو دێ سبە ل دەڤەرێن سنۆری یێن ل پارێزگەھا ئۆرمیێ یا رۆژھلاتێ کوردستانێ دەست ب مانۆرا سەربازی کەن.
فەرماندەیێ ھێزا بەژایی یا ئارتێشا ئیرانێ، کییۆمەرس حەیدەری راگھاندیە، ئەو دێ سبە ل ھەرێمێن “باکورێ رۆژئاڤا”یێ وەلاتی دەست ب مانۆرا سەربازی کەن.
وی فەرماندەیێ ئیرانی دایە زانین ژی، دێ د ڤێ مانۆرێ دا ژ هەموو یەکینەیێن ئارتێشێ بەشدار ببن، لێ نەگۆتیە مانۆر دێ چەند رۆژان بەردەوام بیت.
قەستا وی فەرماندەیێ ئارتێشا ئیرانێ ژ دەڤەرێن باکورێ رۆژئاڤا، دەڤەرێن سنۆری یێن ل پارێزگەھا ئۆرمیێ نە کو بەشەک ژێ لگەل ھەرێما کوردستانێ دا ھەڤسنۆرن، بەشەک ژی لگەل ترکیێ دا.
