ترکیە و ئازەربایجان دێ مانۆرەکا سەربازی یا هەڤبەش ل ناڤچەیا نەخجەوانێ ل سەر سینۆرێ ئیرانێ ئەنجام بدن.
پشتی کو ئارتێش و سوپایا پاسدارانا ئیرانێ د هەفتیەکێ دە 2 مانۆرێن سەربازی ل باکورێ پارێزگەها ئورمیێ و تەورێزێ ل سەر سینۆرێ ئازەربایجان و ئەرمەنستانێ ئەنجام دان، ئەنقەرە و باکو د داخویانیەکێ دا راگهاندن، ئەو دێ مانۆرەکە سەربازی یا مەزن ل ناڤچەیا نەخجوانێ یا ل نێزیکی سینۆرێن ئیران و ئەرمەنستانێ ئەنجام بدن.
مانۆرا سەربازی یا ترکیێ و ئازەربایجانێ ب ناڤێ «براتیا تێکنەچوویی»، سبە 5ێ مەهێ دەستپێ دکە و 3 رۆژان بەردەوام دبە.
وەزارەتا بەرەڤانیێ یا ترکیێ راگهاند کو مانۆرا سەربازی ب مەبەستا پشتەڤانییا بۆ ئارتێشا ئازەربایجانێ دبە و ئەڤ ژی دبە دویەمین مانۆرا سەربازی یا ترکیێ و ئازەربایجانێ د کێمتری مەهەکێ دە ل وێ ناڤچەیێ، هەروەها 2 مانۆرێن سەربازییێن ئیرانێ د ناڤا هەفتیەکێ دە.
