تەڤگەرا تالیبان کو دخوازیت حکوومەتا وان یا ئەفغانستانێ ل ناڤ جڤاکا ناڤدەولەتی دانپێدان پێ بهێتە کرن، لگەل رووسیایێ دا دانووستاندن دانە دەستپێکرن.
بەردەڤکێ تالیبانێ زەبیحولاھ موجاھد ژ بۆ ئاژانسا TAS یا رووسیایێ گۆت: “دانووستاندن نھا لگەل رووسیایێ دا ھەنە. لێ بەریا ھەر تشتی ئەڤ دانووستاندنە تێکلداری ناسکرنا حکومەتێ و ڤەکرنا بالیۆزخانەیانە.”
زەبیحولاھ ل سەر ئیحتیمالا ئەرکدارکرنا رایەدارێن دی یێن بالیۆزخانەیا ئەفغانستانێ ل مۆسکۆیێ دیار کر: “وەزارەتا دەرڤەیا ئەفغانستانێ دێ ڤێ یەکێ چارەسەر کەت. نھا یا گرنگ ئەوە کو بالیۆزخانەیا ئەفغانستانێ یا ل مۆسکۆوێ و بالیۆزخانەیا رووسیایێ یا ل کابولێ ژ نوو ڤە دەست ب کار و خەباتێن خوە بکەن. پشترا ئەم دێ مژارا گوھەراندنا دیپلۆماتان نیقاش کەین”.
