هادی عامری سه‌رۆكێ هەڤپەیمانیا فه‌تح یا ئیراقێ هه‌روه‌ها رێخستنا په‌كه‌كێ ل ده‌ربارا هلبژارتنێن پارلمه‌نا ئیراقێ گۆتنه كو ئه‌و ئه‌نجامێن ڤێ هلبژارتنێ ناس ناكن.
هادی عامری کو ل ئیراقێ یەک ژ سییاسەتڤانێن هەری ب هێز یێن ب پشتگرییا ئیرانێ یە، ل سەر ئەنجامێن هلبژارتنێ بەرتەک نیشان دا و دیار کر کو ئەنجامێن هلبژارتنێ ده‌ره‌ون و گۆت کو ئەوێ وان ئەنجامان قەبوول نەکن.
عامری هه‌روه‌ها گۆت: چ دبە بلا ببە، ئەمێ وان ئەنجامێن دەرەو یێن هلبژارتنێ قەبوول نەکن.
هه‌ر د مژارا هلبژارتنێ ده، رێخستنا په‌كه‌كێ ژی كو پشتگری ددا هه‌ژماره‌ك نامزه‌دان ته‌یبه‌ت ل شه‌نگالێ وێ ژی به‌رته‌ك نیشان دا و گۆتییه كو ئه‌وێ ئه‌نجامێ هلبژارتنێ ناس نه‌كه.
پارتیێن ب پشتگرییا ئیرانێ ته‌یبه‌ت یێن كو ب ناڤێ به‌ره‌یا مقاوه‌مه تێن ناس كرن، د ڤێ هلبژارتنێ ده راستی شكه‌تنه‌كه مه‌زن هاتنه، كوالیسیۆنا عامری ته‌نێ 16 كورسی ب ده‌ست خستنه، نامزه‌دێن كو په‌كه‌كێ ژی پشتگری ددا وان، تو یێك ژ وان سه‌رنه‌كه‌تییه.
پارتییێن ب پشتگرییا ئیرانێ ل گۆر هلبژارتنێن سالا 2018ێ دەربە خوارنە و کێمتر کورسی ب دەست خوە خستنە.
پارتییا رێبەرێ ئۆلی یێ شیعه موقتەدا ئەل سەدر، ل گۆر ئەنجامێن دەستپێکێ سەرکەتیێ مەزن یێ هلبژارتنێ یە.
