ل گۆری داوی ئه‌نجامێن هه‌لبژارتنێن پارلمه‌نا ئیراقێ كو كۆمسیۆنا هه‌لبژارتنان به‌لاڤ كرنه‌، ده‌نگێن كاندیدێن پارتییا ده‌مۆكراتا كوردستانێ ل شه‌نگالێ، زێده‌تری 34 هه‌زار ده‌نگانه‌، ب ئاوایه‌كی گشتی كاندیدێن په‌كه‌كێ ژی 2900 ده‌نگ ب ده‌ست خستنه‌، گه‌لۆ كی خوه‌دییا شه‌نگالێ یه‌، پارتی یان په‌كه‌كه‌؟

رێخستنا په‌كه‌كێ ل 3 ئۆكتۆبه‌را ئیسالێ، ب ده‌هان ژن و زارۆكێن ئێزدییان ب دارێ زۆرێ كێشی سه‌ر جاده‌یان كر و هه‌روه‌ها ب ئالیكارییا چه‌كدارێن یه‌به‌شێ یا گرێدای په‌كه‌كێ، نه‌هشت كاندیدێن پارتی بكه‌ڤن د شه‌نگالێ و پیرۆزگه‌ها شه‌رفه‌ددین دا‌ ژ بۆ كو بانگه‌شه‌یا هه‌لبژارتنێ ژ بۆ خوه‌ بكه‌ن.

ره‌نگێ سندۆقێن شه‌نگالێ زه‌ر بوو، شه‌نگالێ گۆت ئه‌ز كوردستانم

هه‌لبژارتن ل 10 ئۆكتۆبه‌رێ هاتن ئه‌نجام دان و شه‌نگالێ بریار دا و نوونه‌رێن خوه‌ دیار كرن، ره‌نگێ سندۆقان زه‌ر بوو و شه‌نگالێ گۆت ئه‌ز كوردستانم.

ل گۆری ئاگاهیێن پێگه‌ها «داركا مازی»، ل رۆژا هه‌لبژارتنێ هه‌ر چه‌ند كو رێخستنا په‌كه‌كێ ل رێبه‌ندێن شه‌نگالێ، رێ ل ده‌نگدێران گرت و نه‌هشت ده‌نگێ خوه‌ بده‌ن، ل هه‌مان رۆژێ ب ده‌هان كه‌س وه‌ك‌ دیل گرتن كو پرانی ژێ ده‌نگدێرێن پارتی بوون و نه‌هشت ده‌نگێ خوه‌ بده‌ن.

په‌كه‌كێ ئه‌ڤ رێگری ب زۆرا چه‌كی ل به‌ر چاڤێن حكوومه‌تا ئیراقێ و سوپایێ ئیراقێ و جڤاكا ناڤده‌وله‌تی ئه‌نجام دا، لێ به‌لێ د سه‌ر ڤێ را‌، شه‌نگالییان هه‌ر بریارا خوه‌ دا و ده‌نگ ب به‌ربژارێن خوه‌ یێن په‌ده‌كێ دا.

ل گۆری ئه‌نجامێن ده‌ستپێكی، ده‌نگێن كاندیدێن پارتی و په‌كه‌كێ ل بازنه‌یا 3 یا شه‌نگالێ ووسایه‌:

كاندیدێن پارتی:

مه‌حما خه‌لیل: 14167 ده‌نگ

ڤیان دخیل: 9294 ده‌نگ

ماجد خه‌له‌ف حمو: 6667 ده‌نگ

كاندیدێن په‌كه‌كێ:

سه‌میر شێخ ده‌روێش  و راكان راشد ئه‌ل ته‌حان كو هه‌ردویان پێكڤه‌ كێمتری 2900 ده‌نگان ب ده‌ست خستنه‌.

پرسا ل ڤێرێ ئه‌ڤه‌یه‌،‌ گه‌لۆ، كی نوونه‌رێن شه‌نگالێ نه‌، خودانێن 34 هه‌زار ده‌نگان یان یێن 2900 ده‌نگان؟ ڤێ هه‌لبژارتنێ تشته‌ك ب روهنی ده‌رێخست به‌رچاڤان ئه‌و ژی ئه‌ڤه‌یه‌:

په‌كه‌كێ پاش 7 سالێن تیرۆرا فكری ل سه‌ر ئێزدییان و گه‌لێ شه‌نگالێ و چێكرنا توهمه‌تێن بێئه‌خلاق ل سه‌ر حكوومه‌تا باشوورێ كوردستانێ و پارتی و پێشمه‌رگه‌هان، نه‌كاری نه‌رین و فكرا گه‌لێ شه‌نگالێ بگوهه‌رینیت، گه‌لێ شه‌نگالێ بریارا خوه‌ دا و گۆت شه‌نگال كوردستانه‌.

ڤێ هه‌لبژارتنێ گۆته‌ مه‌: پاش 7 سالێن زۆرا په‌كه‌كێ، ئێزدی چ جاران نابنه‌ ئاپۆچی، ژ به‌ر كو جوداهییه‌كا‌ مه‌زن د نێڤبه‌را جڤاكا ئێزدی و نه‌رین و فه‌لسه‌فه‌ و ئایدۆلۆژییا رێخستنا په‌كه‌كێ و ئاپۆچییان دا هه‌یه‌، ئه‌و فه‌لسه‌فا كو هه‌موو ئاینان و هه‌بوونا خودای ره‌د دكه‌ت‌.

له‌وما ل داویێ ئه‌م دبێژین ئێدی په‌كه‌كێ پێویستی ب روویه‌كێ زۆرێ قاییم هه‌یه‌ كو د شه‌نگالێ دا بمینیت‌ و د ناڤا ئێزدییان دا بمینیت‌، ژ به‌ر كو ئێزدییان ژ په‌كه‌كێ را‌ گۆتن نا، هوون نه‌ ژ مه‌نه‌ و مه‌ چ جاران هوون ژ خوه‌ حه‌ساب نه‌كرینه‌، حكوومه‌تا ئیراقێ ژی پێویسته‌ ئێدی هه‌لوه‌سته‌كێ ئه‌شكه‌ره‌ هه‌بیت و مینا نه‌عامێ سه‌رێ خوه‌ د ئاخێ را نه‌كه‌ت.