رێڤەبەرێ گشتی و ئەندامێن رێڤەبەریا تەڤگەرا گۆرانێ دەست ژ کار بەردان

خانەیا راپەراندنێ یا تەڤگەرا گۆرانێ ب داخویانیەکێ ل سەر شکەستا تەڤگەرێ د ھلبژارتنێن گشتی یێن ئیراقێ دا راگھاند؛ وەکە ھلگرتنا بەرپرسیاریا ڤێ قۆناغا ھەستیار، خانەیا راپەراندنێ یا تەڤگەرا گۆرانێ بریار دا کو دەست ژ کار بەردەت.

د تەڤگەرا گۆرانێ دا خانەیا راپەراندنێ ئاستا ھەری بلندا تەڤگەرێ یە و ژ رێڤەبەرێ گشتییێ تەڤگەرا گۆرانێ عومەر سەیید عەلی، سەکرەتەرێ جڤاتا نشتمانی کامل قادر، سەکرەتەرێ کارووبارێن فراکسیۆنان سەفین مەلا قەرە، سەکرەتەرێ کارووبارێن باژاران ئاسۆ رەحیم، سەکرەتەرێ کارووبارێن ژووران دەرباز محەمەد، سەکرەتەرێ کارووبارێن خەلکێ برزۆ مەجید و سەرۆکێ جڤاتا گشتی جەمال حاجی محەمەد پێک تێ.

خانەیا راپەراندنێ ئاشکەرا کر کو وەکە ھلگرتنا بەرپرسیاریا ڤێ قۆناغا ھەستیار، خانەیا راپەراندنێ یا تەڤگەرا گۆرانێ بریار دا کو دەست ژ کار بەردەت و د دەمەکێ کورت دا دەستەیەکا دەمکی ژ بۆ برێڤەبرنا تەڤگەرێ بهێتە پێکانین.

تەڤگەرا گۆرانێ د 25ێ تیرمەھا 2009ێ دا وەکە تەڤگەرەک بەشداری پرۆسەیا ھلبژارتنێن گشتی یێن ھەرێما کوردستانێ بوو و کاری ژ 111 کورسیێن پارلامەنتۆیێ 25 کورسیان ب دەست بیخیت.

گۆرانێ د ھلبژارتنێن گشتی یێن ھەری داوی یێن 10ێ جۆتمەھا 2021ێ دا کو ھلبژارتنێن پارلامەنتۆیا ئیراقێ برێڤە بوون، چ کورسی ب دەست نەخستن.