ھێزەکە مەزن ل ناڤا بەغدایێ ھات بەلاڤکرن

ھێزەکە مەزن ل ناڤا بەغدایێ ھات بەلاڤکرن

ژ بەر گەفێن چەکدارێن میلیشیایێن شیعە، ھێزەکا مەزنا ئەولەھی و لەشکەری ل کۆلانێن بەغدایێ ھاتیە بەلاڤکرن.

ژێدەرەکێ ئەولەھی راگھاند، ژ بەر گەفێن ئالیگرێن ھەڤپەیمانیا فەتح و چەکدارێن شیعەیێن دەستپێکرنا خوەپێشاندانان، ھێزێن ئەولەھیێ و ئارتێشا ئیراقێ ل باغدایێ و دەردۆرا ناڤچەیا کەسەک ھاتنە بەلاڤکرن.

ل گۆر ئەنجامێن دەستپێکێ یێن ھلبژارتنێن ئیراقێ، ھەڤپەیمانیا فەتح ب سەرۆکاتیا ھادی عامری تەنێ 17 کورسی د پارلامەنتۆیا ئیراقێ دا ب دەست خستنە.

پشتی راگھاندنا ئەنجامان، ھەژمارەک ژ گرووپێن چەکدار و میلیشیایێن شیعە ئەنجامێن ھلبژارتنێ رەد دکەن، ژ بەر ڤێ ژی رەوشا ئەولەھیێ ل بەغدایێ ئالۆز بوویە و ھێزێن ئەولەھیێ ژی کەتنە رەوشا ئامادەھیێ.

ژ ئالیەکێ دی ڤە، بەردەڤکێ کەتیبەیێن حزبولاھا ئیراقێ ئەبوو عەلی ئەل-عەسکەری، ژ بەر ئەنجامێن ھلبژارتنێن پێشوەخت، داخوازا دادگەھکرنا سەرۆکوەزیرێ ئیراقێ مستەفا کازمی کر.

ئەل-عەسکەری گۆت: کازمی خیانەتا مەزن کریە. دڤێت ئەم د زووترین دەم دا بخەبتن دا کو مافێن دەنگدەران و کاندیدان وان ڤەگەرینن، یان ژی دێ ئەنجامێن خراب دەرکەڤن.”