ل شامێ د 2 تەقینان دا 13 کەس هاتن کوشتن

ل شاما پایتەختا سووریێ 2 بۆمبە هاتن تەقاندن و د ئەنجامێ دا، 13 کەس هاتن کوشتن.

ئاژانسا «سانا» یا فەرمی یا سووریێ بەلاڤ کر، ئیرۆ دەما ئۆتۆبوسا ئارتێشێ ل سەر پرا سەرۆکكۆمار ل شامێ دەرباس دبوو، 2 بۆمبە پێ دا هاتن تەقاندن و د ئەنجامێ دا، 13 کەس هاتن کوشتن و 3 ژی بریندار بوون.

وێ ئاژانسێ دیار کر ژی، هێزێن ئەندازیارییا لەشکەری بۆمبەیەکا سێیەمین ژی کو ل جهێ تەقینێ هاتبوو چاندن، پووچ کر.

ژ ئالیێ خوە ڤە، نه‌رینگه‌ها سووری یا مافێن مرۆڤان بەلاڤ کر، برینێن هن برینداران گرانە و ئەگەر هەیە هەژمارا کوشتییان زێدە ببیت.