ئەردۆگان ئیرۆ ژ بۆ بەشداریکرنا د 16ەمین لووتکەیا جی 20 گەھشتە رۆمایێ

ئەردۆگان ئیرۆ ژ بۆ بەشداریکرنا د 16ەمین لووتکەیا جی 20 گەھشتە رۆمایێ

سەرۆککۆمارێ ترکیێ، ئیرۆ ژ بۆ بەشداریکرن د 16ەمین لووتکەیا جی 20، گەھشت رۆمایا پایتەختا ئیتالیایێ.

سەرۆککۆمارێ ترکیێ رەجەپ تەییب ئەردۆگان ژ بۆ بەشداریکرن د لووتکەیا جی 20، چوو رۆمایێ. د ناڤ شاندا ترکیێ دا وەزیرێ کارێن دەرڤە مەولود چاڤوشۆگلو، وەزیرێ خەزینێ و داراییێ لوتفی ئەلڤان، سەرۆکێ راگھاندنا سەرۆککۆماریێ فەخرەدین ئالتون و بەردەڤکێ سەرۆککۆماریێ ئیبراھیم کالن جھ گرتن.

یەک ژ پرسێن سەرەکی یێن لوتکەیا جی 20 ئەڤە یە کو سەرۆکێ ئامەریکایێ جۆ بایدن و سەرۆککۆمارێ ترکیێ رەجەب تەییب ئەردۆگان، دێ ل رۆمایێ بجڤن یان نە. ل گۆری زانیاریان، ھەتا نھا بایدن هیچ قەولەک نەدایە ئەردۆگان.

بریارە لووتکەیا جی 20 د 30 و 31ێ جۆتمەھا ئیسال دا ل رۆمایا پایتەختا ئیتالیایێ بهێتە سازکرن. پشت را 31ێ مەھێ کۆنفەرانسا نەتەوەیێن یەکبوویی ژ بۆ رووبرووبوونا گوھەرینا کەشووھەوایێ ل باژارێ گلاسگۆوێ سکۆتلاندێ دەستپێ دکەت و ھەتا 12ێ مەھا بهێت دێ بەردەوام بیت.

نەتەوەیێن یەکبوویی ب رێیا ڤێ کۆنفەرانسا سالانە، دخوازیت حکوومەتێن وەلاتان کارێ زێدەتر ژ بۆ رووبرووبوونا دیاردەیا گوھەرینا کەشووھەوایی بکەن، ئەو ژی ب رێیا کێمکرنا دەرخستنا گازێن زەرەربەخش و پشتگرێدانا زێدەتر ب ئەنەرژیا پاقژ.