ھات راگھاندن کو ل باژارێ گرێ سپی یێ رۆژئاڤایێ کوردستانێ کو ژ ئالیێ ترکیێ ڤە ھاتیە داگیرکرن، دو کۆمێن چەکدارێن سەر ب ئارتێشا ترکیێ ڤە پەڤ چوون.
ل گۆری چاڤکانیێن دەڤەرێ، دۆھی پشتی نیڤا شەڤێ د ناڤبەرا چەکدارێن کۆمێن ئەحرار ئەل-شەرقی و سولتان مووراد دا شەر چێبوویە.
ھات زانین کو چەکدارێن ئەحرار ئەل-شەرقی، چەکدارێن سولتان مووراد تەوانبار کرنە کو ئەو ئاژانێن ھەڤپەیمانیا ناڤدەولەتی یا دژی داعشێ نە و ل سەر ڤێ د ناڤبەرا وان دا شەر دەرکەتیە.
ل گۆری چاڤکانیان چەکداران ب چەکێن ناڤین و سڤک شەرێ ھەڤ کرنە، لێ دەربارێ زیانێن ھەردو ئالیان دا چ زانیاری نەھاتنە بەلاڤکرن.
