مەرال ئاکشەنەر: باخچەلی و ئۆجالان نامەیێن ئەلەکترۆنی ژ ھەڤرا رێدکەن!

مەرال ئاکشەنەر: باخچەلی و ئۆجالان نامەیێن ئەلەکترۆنی ژ ھەڤرا رێدکەن!

سەرۆکا IYI پارتیێ مەرال ئاکشەنەر د جڤینا پارتیا خوە دا ئاخاڤتنەک کر و بەحسا ھندەک مژارێن بالکێش کر. ئاکشەنەر بەحسا سەردانا خوە یا باتمان و سێرتێ ژی کر. د بەشەک ئاخافتنا خوە دا ئاکشەنەر دا خویاکرن کو، ئەو چ فەرقیێ ناخن د ناڤبەرا پەکەکێ و ھەدەپێ دا.

ھەروەھا د بەشەکا دی یا ئاخڤتنا خوە دا گۆت:  بلا دەستھلات ھەتا کو دکاریت ڤی ملەتی ژ ھەڤ جودا بکەت، ئەم دێ ژ بۆ یەکتیا ڤی ملەتی کار کەین. ئەم چ جاران رێ نادەین کو د ڤی وەلاتی دا کورد و ترک بێنە ھمبەر ھەڤ. ئاک پارتی و ھەدەپە ناخوازن ھندەک تشت بێنە زانین.

ئاکشەنەر د ئاخفتنا خوە دا بەحسا مەھەپێ و باخچەلی کر و گۆت: مە چ جارا بێ رێزی ل ھمبەر پارتیا باخچەلی نەکر و ئەم ناکەین ژی. مە سڤکاتی ل چ ئالگرێن مەھەپێ نەکریە. لێ چ جارا مەھەپێ و باخچەلی رێز ل مە و پارتیا مە نەگرت. ئەز بانگی وان خوەشمێرێن وان دکەم و دبێژم: بلا سالا 2011ێ ل بیرا وە بیت. ل ڤی وەلاتی چ روودا و باخچەلی چ دگۆت. ئەگەر زولفەقار (شوورێ ئیمام عەلی) کربیت دەستێ هەوە دا وەرن سەرێ من ژێبکەن.

د دەربارێ ھەدەپێ و عەبدوللا ئۆجالان دا ژی ئاکشەنەر ئاخڤی و گۆت: ئەم ھەدەپێ ل با پەکەکێ دبینین. ئەم دبێژین دڤێت ھەدەپە مەسافەکێ بێخیتە ناڤبەر خوە و پەکەکێ دا. کەسێن د ناڤا رێکەفتنا کۆماری دا، ژ بۆ ئێریشێ مە بکەن ئاژاندایا پەکەکێ تێخن رۆژەڤێ.

ل سێرتێ رۆژەڤا کوردا فەقیری، بێکاری یە، لێ ئەو رۆژەڤا ئاپۆ بەرچاڤ دکەن. ئەم چبکەین؟

مەرال ئاکشەر دبێژیت: ژ خوە مە دزانی ھەڤالتیا باخچەلی و ئۆجالان یاە-نامەیان ھەیە. لێ مە نەدزانی وەزیرێ ناڤخوە ژی د ناڤا ڤێ ھەڤالتیێ دایە. ئەم نھا دزانین کو سۆیلو ژی د بەشەک ژ ڤێ سیستەمێ دایە.