رەوانگەھا مافێ مرۆڤ یا سووریێ ئاشکەرا کریە، بارەگەھ و عەمبارێن میلیشیایێن ئیرانی ل رۆژھلاتێ سووریێ ل دێرازۆرێ ھاتنە بۆردومانکرن.
ئیرۆ رۆژا چارشەمێ 10/11/2021 رەوانگەھا مافێ مرۆڤ یا سووریێ (سۆھر) د راپۆرتەکێ دا بەلاڤ کریە بالافرێن نەناسکری بارەگەھ و عەمبارێن میلیشیایێن چەکدارێ سەر ب ئیرانێ ل باژارێ ئەلبوکەمال ل پارێزگەھا دێرەزۆرێ ل نێزیکی ئیراقێ بۆردوومان کرینە.
ھەروھا د بەردەوامیا راپۆرتێ دا ژی هاتیە دیارکرن بۆردوومان بوویە سەدەما تەقینا عەمبارا چەکان و ژ بەر وان تەقین و بۆردوومانان چەندین سەرکردەیێن میلیشیایێن ئیرانی مرنە و بریندار بوونە.
کۆمارا ئیسلامی یا ئیرانێ، ژ دەستپێکا شەرێ ناڤخوەیی یێ سووریێ د سالا 2011ێ دا میلیشیایێن خوە یێن چەکدار و چەکان دشینیت سووریێ ب ئارمانجا پشتگریا رەژیما سووریێ.
