“یاریا ئەردۆگان یا هلبژارتنا نوو دەستپێ دکەت”

"یاریا ئەردۆگان یا هلبژارتنا نوو دەستپێ دکەت"

ل ترکیا ژ بۆ ھلبژارتنا و دەستھلاتا ئاک پارتیێ و ئەردۆگان گەلەک سیناریۆیێن جور بە جور تێنە گۆتوبووژ کرن. رۆژنامەڤانێ رۆژنامەیا جومھوریەتێ بارش پەھلڤان ل گەل ھندەک بەرپرسێن ئاک پارتیێ کو ناڤێ وان ئاشکەرا ناکەت ئاخڤتیە و دبێژیت ئەردۆگان ھلبژارتنا سەرۆککۆماریێ ژدەست بدەت ژی ئاک پارتی زوو ب زوو دەستھلاتێ رادەستی ئۆپۆزسیۆنێ ناکەت و ئاک پارتی ناھلیت سیسیتەما سەرۆککۆماریێ ڤەگەریتە سیستەما بەرێ.

ل گۆری پەھلڤان ددەتە خوویاکرن، بەرپرسێن ئاک پارتیێ دبێژن کو، رەوشا ئۆپۆزسیۆنێ نەباشە و ئەو نە یەکرێزن، ژ ئالیەکێ دی ڤە دێ ھەر ئاک پارتی د ھلبژارتنان دا وەک پارتیا یەکەم دەرکەڤیت و ئەڤ یەک ژی دبیتە سەدەمەک جاردەکا دی ئاک پارتی رێ نادەت ئۆپۆزسیۆنێ بەرنامەیا خوە ب جھ بینن.

بەرپرسەکی ئاک پارتیێ دبێژیت: ئەردۆگان نەبیتە سەرۆککۆمار رەوشا پارچەبوونا ئۆپۆزسیۆنێ جاردەکا دی  دێ کێری ئەردۆگان هێت. ئەڤە دێ بیتە سەدەما سەرکەفتنا ئاک پارتیێ. رەوشەکا ب ڤێ ئاوایی دێ بیتە سەدەم کو ھلبژارتن جاردەکا دی بەری سالا 2025 بێنە دوبارەکرن. راستە ئیحتیمالا کو ئەردۆگان نەهێتە ھلبژارتن ھەیە، لێ ل گۆری ڤێ ژی پلان تێنە چێکرن.

ژ ئالیەک دی لاوازبوونا مەھەپێ ژی د ناڤا رێکەفتنا جومھور دا دبیتە سەدەمێ ھندەک ئالۆزیان. بەرپرسێن ئاک پارتیێ دبێژن ئەم کێمی 35% دەنگا نا ئینین، لێ لاوازبوونا مەھەپێ و ژ دەست دانا دەنگا دبیتە کێشە.

بەرپرسەکێ بلندیێ ئاک پارتیێ دبێژیتە پەھلڤان: ئەڤ ھلبژارتن د ڤان 20 سالێن داوی دا، دێ ژ بۆ مە ھلبژارتنا ھەری زەحمەت بیت. سیستەما  1+50% نھا ژ بۆ مە نە باشە. ل گۆرا راپرسییێن ئەم دکەین تفاقا جومھور هەری کێم 45% دەنگا دێ ب دەست خوە ڤە ئینیت.

داویا ئاخاڤتنا خوە دا بەرپرسەکی ئاک پارتیێ دبێژیت: یاریا ئەردۆگان یا ھلبژارتنا نوو دەستپێ دکەت.