سەرۆکێ پارتییا گەل یا کۆماری و سەرۆکا ئیی پارتیێ کو تفاقا مللەت پێک دئینن، ل دەربارێ ئابوورییا تركیێ رەخنە ل دەستهه‌لاتێ گرتن و بانگا هه‌لبژارتنا پێشوەخت کرن.
کەمال کلچدارئۆگلو و مەرال ئاکشەنەر، ل ناڤەندا ئیی پارتیێ كۆمبوون و پشتی كۆمبوونێ داخویانی دان مه‌دیایێ.
کلچدارئۆگلو رەخنە ل سەرۆکۆمار تایپ ئه‌ردۆگان و بانکا ناڤەندی گرت و گۆت: «بانکا ناڤەندی دەست ژ کارێ خوە بەردایە، وەک تەماشەڤان ل داكه‌تنا بهایێ لیرێ ترك دنێریت».
هه‌روه‌ها گۆت: «ئەز ب ئاوایەکی ڤەکری و زەلال بانگ ل وی (ئاردۆگان) دکم؛ ئەگەر نه‌شێی ب رێڤە ببه‌ی بارەکی زێدە ل سەر پشتا خەلکێ بار نەکە، دڤێت ترکیە دەملدەست بچیتە هه‌لبژارتنان».
مەرال ئاکشەنەر ژی گۆت: «هەژاری گەلەکی زێده‌بوویه، ئەز ژی بەشداری بانگا کلچدارئۆگلو دبم، ژ بلی هه‌لبژارتنان چ چارەسەریێن دی نینن».
