گەنجەکێ کورد، بەریا 5 سالان ل ئەلمانیایێ وندا بوویە، و تا رۆژا ئیرۆ، مالباتا وی چ ئاگاھیەکێ ل سەر نزانن و دانگووباسێن وی ھاتنە برین.
جوانێ کورد موستەفا ئیبراھیم، کو خەلکێ گوندێ تل رەحمان یێ ب سەر دێرکا رۆژئاڤایێ کوردستانێ ڤەیە، بەریا 5 سالان ل دۆرتمۆندا ئەلمانیا وندا بوویە، تا نھا ژی چ زانیاریەک ل سەر تونەیە.
مستەفا ئیبراھیم، ژدایکبوویێ سالا 1996ێ یە و نشتەجیێ باژارێ دۆرتمۆندێ بوو، ژ بۆ دیارکرنا جھێ وی مالباتێ بانگەک بەلاڤ کر تێ دا داخواز کرن کو ھەر کەسەک نووچەیەکێ ل سەر بزانیت پەیوەندیێ ب مالباتێ وی بکەت، لێ هەیا نها چ کەس و لایەنەکێ زانیاری ل سەر وی و سەدەمن وندا بوونا وی ب مالباتا وی نەدانە و هەتا نها چ ژ چارەنڤیسا وی ناهێتە زانین.
