ل ئەنقەرە و ستەنبۆلێ ل دژی ئاکه‌پێ و ئاردۆگان خوەپێشاندان ده‌ستپێكرن

AKP-ANKARA-STANBOL (1)

ل سه‌ر پرسا داكه‌تنا بهایێ لیره‌یێ ترکیێ ل بەرامبەری دراڤێن بیانی، ل هنەک تاخێن ستەنبۆل و ئەنقەرێ خەلک ب سلۆگانێن «ئاكه‌په‌ ده‌ست ژ كار به‌رده‌» داکەتن کۆلانان.

ئیرۆ رۆژا سێشه‌مبێ 23/11/2021ێ ل هنده‌ك تاخێن سته‌نبۆلێ و ئه‌نقه‌رێ، ب سه‌ده‌ما داكه‌تنا بهایێ لیره‌یێ تركیێ، خه‌لك داكه‌تن كۆلانان و سلۆگان ل دژی ئاكه‌پێ ئاڤێتن، خوه‌پێشانده‌ران ب یێك ده‌نگ سلۆگانا «ئاكه‌په‌ ده‌ست ژ كار به‌رده‌» د دگۆتن.

ل تاخا کورتولوش یا ل ستەنبۆلێ، پۆلیسان ژ بۆ كو رێگریێ ل خوەپێشاندانێن ل دژی ئاکه‌پێ بگرن، ل سەرێ کۆلانان بەربەست دانان.

ل تاخا ئەساتێ ژی سەر ب ناڤچەیا چانکا یا یا پارێزگەها ئەنقەرێ هەموەلاتی دەرکەتن کۆلانێ و بانگ ل ئاک پارتیێ کرن کو دەست ژ حکوومەتێ بەردەت.

ل گۆر دیمەنێن کو د مەدیایا جڤاکی دا هاتنە بەلاڤکرن 23ێ مژدارا 2021ێ دەمژمێرێن ئێڤاری ل ناڤچەیا چانکایا یا ئەنقەرێ هەموەلاتی ب درووشما «ئاكه‌په‌ ده‌ست ژ كار به‌رده‌» دەرکەتن کۆلانێ و رووبروویی ئاستەنگییا پۆلیسان هاتن.