چاڤدێریا مافێن مرۆڤان ل سووریێ (SOHR) راگھاندیە کو شەرێ ناڤبەرا کۆمێن چەکدارێن سەر ب ترکیێ ڤە و ھێزێن سەر ب رەژیما سووریێ ڤە، ل ئدلبإ و هەلەبێ بەردەوامە.
ل گۆری سۆھرێ، ھێزێن شامێ ئیرۆ 25إ مژدارێ بەرێ سپیدێ ب مۆشەکان ھەرێمێن فلێفل، فتێرا و سفۆحن یێن جەبەل ئەل زاویێ یێ ل باشوورێ ئدلبێ و ئەنیێن ئەل-مەشەری یێن سەھل ئەل خابا ل باکورێ رۆژئاڤایێ حەمایێ ب چەکێن گران تۆپباران کرنە.
ھەروھا سۆھرێ دایە زانین، چەکدارێن سەر ب ترکیێ ڤە ژی بارەگەھێن ھێزێن رەژیما سووریێ ل ئەنیێن شەری یێن ل رۆژئاڤایێ حەلەبێ و مەلاجێ و ھەزارینێن باشوورێ ئدلبێ ب مۆشەکان تۆپباران کرنە.
ھێژایی گۆتنێیە، دۆھ 24ێ مژدارێ ژی د ئەنجاما تۆپبارانا ھێزێن سووریێ ل دژی گوندێن کەفەر تەعال و تەدیلێن رۆژئاڤایێ حەلەبێ دا چەکدارەک ھاتبوو کوشتن، لێ دەربارێ زیانێ ئێریشێن ئیرۆ دا چ ھورگلی نەھاتنە بەلاڤکرن.
