د ھەفتیەکێ دا چەتەیێن جوانێن شۆرەشگەر 9 زارۆک رەڤاندن

د ھەفتیەکێ دا چەتەیێن جوانێن شۆرەشگەر 9 زارۆک رەڤاندن

چەتەیێن جوانێن شۆرەشگەر ل رۆژئاڤایێ کوردستانێ د رەڤاندن و بنچاڤکرنا زارۆکان دا بەردەوامن، ھەری داوی زارۆکەک ژ دەربەدەرێن عەفرینێ ل حەلەبێ رەڤاند .

ژێدەرەکێ خوەجھی ل حەلەبەێ راگھاند کو 25/11/2021 چەتەیێن جوانێن شۆرەشگەر زارۆکێ 13 سالی یێ ب ناڤێ عیسام موحەمەد عیسا ژ ناڤا دەبستانێ ل تاخا شێخ مەقسوودا حەلەبێ رەڤاند و بەرەڤ جھەکی نەدیار ڤە برن، و تا نھا چارەنڤیسا وی نەدیارە.

ل گۆری ھەمان ژێدەری دایە زانین زارۆکێ رەڤاندی ب خوە خەلکێ گوندێ قەتمە یێ سەر ب عەفرینێ یە، و ل تاخا شێخ مەقسوود ل حەلەبێ ل گەل مالباتا خوە نیشتەجێ بوو .

د ھەیاما ھەفتیا بووری دا چەتەیێن جوانێن شۆرەشگەر 9 زارۆکێن کورد یێن ژێر 18 سالیێ ژ باژارێن عاموودێ، قامشلۆ، و دەڤەرێن شەھبایێ ل حەلەبێ رەڤاندنە، و تا رۆژا ئیرۆ چارەنڤیسا وان زارۆکێن رەڤاندی نەدیارە.

گرووپا جوانێن شۆرەشگەر گرووپەکا چەتەیێن رۆژئاڤایێ کوردستانێ یە کو پرانیا وان گەنجێن ژ قۆتابخانەیێ ڤەقەتیایی نە و بێ کارن و راستە راست ب فەرمانا پەکەکێ کار دکەن.