ل باژارێ سەمسوورێ یێ باکورێ کوردستانێ، پرۆسەیا دادگەهکرنا 61 کەسان برێڤە چوو کو ب تۆمەتا ئەندامتی و پرۆپاگاندایا ژ بۆ پهكهكێ هاتبوون دەستەسەر کرن، 39 کەس ژ وان هاتن گرتن.
د ناڤا ڤێ سالێ دا ل سنۆرێ پارێزگەها سەمسوورێ یا باکورێ کوردستانێ، 61 کەس ب تۆمەتا ئەندامتی و پرۆپاگاندایا ژ بۆ پهكهكێ هاتبوون دەستەسەر کرن و پشتی برێڤەچوونا پرۆسەیا دادگەهێ، 39 ژ وان هاتن گرتن و 18 ژی ب مەرج هاتن ئازاد کرن.
ل گۆری زانیاریێن کو ژ ئالیێ سەردۆزگەرییا کۆماری یا سەمسوورێ ڤە هاتنە بەلاڤ کرن، هێژان دو کەس د لێپرسینێ دانه.
هەروها ل پارێزگەها شرنەخێ یا باکورێ کوردستانێ، ژ وان 35 وەلاتیێن ب تۆهمەتا ئالیکارییا پهكهكێ هاتبوون دەستەسەر کرن، ب بریارا دادگەهێ 16 ژ وان هاتن گرتن و 19 کەس ژی هاتن ئازاد کرن.
رۆژا ئینێ 26ێ مژدارا 2021ێ ل دادگەها جەزایێن گران یا شرنەخێ، پرۆسەیا دادگەهکرنا وان 7 وەلاتییان هات دیتن کو لێکۆلینا ل گەل وان بەردەوام بوو، دادگەها شرنەخێ ب تۆهمەتا ئالیکارییا پهكهكێ بریارا گرتنێ بۆ 5 کەسان دا و 2ێ دن ژی ب مەرجێ دادی هاتن ئازاد کرن.
ل ئالیێن ل پارێزگەها مانیسا یا ترکیێ د ئۆپەراسیۆنەکا هێزێن ئەولەکاریێ دا، 6 کەس ب تۆهمەتا «ئەندامتی و پرۆپاگاندەکرنا پهكهكێ» هاتن دەستەسەر کرن.