ترکیا ل سەر ھاتایێ بەرسڤا سووریێ دا

دوهی پارلەمەنتۆیا سووریێ ل سەر ھاتایێ کو د سالا 1939ێ دا تەڤلی ئاخا ترکیێ بووبوو، پەیامەک بەلاڤ کربوو و وەھا گۆتبوو:

“ژ بۆ کو ھاتای د دەستێن ترکیێ دا نەمینیت و پاشدا بستینین، چ پێوستبیت ئەم دێ ئەنجامدەین.”

ل سەر پەیاما پارلەمۆنتۆیا سووریێ وەزارەتا کارێن دەرڤەیا ترکیێ کارڤەدان نیشان دا و وەھا گۆت:

“ئەم پەیاما بێحەد و نەیاسایی یا پارلەمەنتۆیا سووریێ کو چ جاران تەمسیلا خەلکێ سووریێ ناکەت، ژ دیمۆکراسیێ بێپارە و یەکیتیا ئاخا مە کریە ئارمانجا خوە، ب توندی رەد دکەین. رەژیما سووریا ب سالایە زلمێ ل خەلکێ خوە دکەت، ژ کوشتنا ب سەد ھەزار مرۆڤان و ب میلیۆن مرۆڤان کو ژ سەر ئاخا خوە دەرکەتنە بەرپرسە و بەیانناما وان نیشان ددەت کو نکاریت ژ بن ڤان بەر خوەرائاخافتنان بێتە دەر. ترکیا دکاریت ب ھەر ئاوایی ئاخا خوە بپارێزیت.”