وەزارەتا دەرڤەیا ئامەریکا دەربارێ ئێریشا داعشێ ل سەر ھێزا پێشمەرگە و وەلاتیێن گوندێن مەخموورێ دا تەکەز کر، ئەو دێ د ھەڤکاریا لگەل پێشمەرگە دا بەردەوام دبن.
وەزارەتا دەرڤەیا ئامەریکا د داخویانیەکێ دا راگھاند، ئامەریکا ژ بەردەوامیا ئێریشێن داعشێ یێن ل سەرانسەری ئیراقێ و ب تایبەت ئێریشا ل مەخموورێ یا تێ دا 10 پێشمەرگە و 3 وەلاتی شەھید بوونە دلگرانە.
وەزارەتا دەرڤەیا ئامەریکا سەرساخی ل مالباتێن شەھیدان کر و پابەندبوونا ئامەریکا ژ بۆ پشتەڤانیکرنا ل ھێزێن ئەولەھیێ یێن ئیراقێ و پێشمەرگە دوبارە کر.
شەڤا 2یێ بەرفانبارێ چەکدارێن داعشێ ئێریشی چەند گوندێن مەخموورێ یێن ل بنارێ چیایێ قەرەچۆخێ کرن و د ئەنجام دا ل گوندێ خدرجیجە 3 وەلاتی و 10 پێشمەرگە شەھید بوون و 5 وەلاتی ژی بریندار بوون.
