بارەگەھا ئهمهریكی ل کێلگەھا پەترۆلێ یا ئەل – ئۆمەر ل رۆژھلاتێ دێرازۆرێ، راستی ئێرشێن مووشەکی ھات، 4 تهقینێن ل پهی ههڤ چێبوون.
ل گۆر ئاژانسا سپوتنیک، دوهی ههژمارهكا مووشەکان ب بارەگەھا ئارتێشا ئهمهریكایێ ل کێلگەھا پەترۆلێ یا ئەل – ئۆمەر ل رۆژھلاتێ دێرازۆرێ کەتنە، 4 تەقینێن ل پەی ھەڤ ل وێ کێلگەھا پەترۆلێ ھاتن بھیستن و دوومان ژی رابوون.
دەستنیشان کر ژی، پشتی تەقینان، بالافرێن بێفرۆکەڤان یێن ھێزێن ئهمهریكایێ، دەملدەست ل ئەسمانێ وێ کێلگەھا پەترۆلێ گەرییان، لێ بهلێ ھەتا نھا چ پشتراستکرن یان رەد کرنا ڤێ هێرشێ ژ ئالیێ ئهمهریكا یان ھەڤپەیمانییا ناڤدەولەتییا ڤە نەھاتییە کرن.
ئەڤ د دەمەکێ دا یه، بەری چەند رۆژان رەوانگەھا سووری یا مافێن مرۆڤان بەلاڤ کر، 4 مووشەک ل دەردۆرا بارەگەھا ھەڤپەیمانییا ناڤدەولەتییا ل کێلگەھا گازێ یا کۆنیکۆ ل گوندەوارێ دێرازۆرێ کەتنه.
د داوییا سالا 2019ێ دا، سەرۆکێ ئهمهریكا یێ بەرێ دۆنالد ترامپ، بریارا ڤهكێشانا ھێزێن ئهمهریكی ژ سووریێ دا، لێ پشترە ل بریارا خوە ڤەگەریا و گۆت: ئەو دێ ژ بۆ پاراستنا کێلگەھێن گاز و پەترۆلێ، 900 لەشکەرێن خوە ل رۆژھلاتێ فراتێ هێلیت.