باپیرێ مەزن یێ سه‌رۆكێ کوریا باکور د 102 سالییا خوە دە کۆچا داویێ کر

كوريا الشمالية-north-korya-kim-jong-on

کیم یۆنگ ژو، برایێ بچووکێ دامەزرینەرێ كوریا باکور، کیم ئێل-سونگ، د 102 سالییا خوە دا کۆچا داویێ کر و سه‌رۆكێ وەلاتی کیم ژۆنگ ئۆن، ته‌نێ گول شاندن تابووتا وی.

ئاژانسا نووچەیان یا كوریا باکور راگه‌هاند کو کیم یۆنگ ژو، باپیرێ سه‌رۆكێ كوریا کیم ژۆنگ ئۆنە، ئه‌و وەک قه‌هره‌مانه‌كێ كوریا باکور دهێته‌ هه‌ژمارتن، ئه‌و جیگرێ بەرێ یێ فه‌خریێ سەرۆکاتییا دیوانا مەجلسا بلند یا گەل بوو.

هات راگه‌هاندن کو باپیرێ مه‌زن یێ كیم ژۆنگ ئۆن بۆ “دەمەکێ درێژ” ئه‌ركێن گرنگ د پارتی و حکوومەتێ دا وه‌رگرتینه‌ و ژ بۆ بجهئینانا خەتا پارتیێ، وی ب دلسۆزی خه‌بات كرییه‌.

هه‌ر چه‌نده‌ کو دیرۆکا راست یا وی نەهاتییه‌ ئەشکەرە کرن، لێ ئاژانسا نووچەیان یا كوریا باکور راگه‌هاند «دوهی 14 کانوونێ ل سەر ناڤێ هەڤالێ هێژا کیم ژۆنگ – ئون گول ل سەر تابووتا مری هاتنه‌ دانان».

هێژای گۆتنێ یه‌، کم یۆنگ ژو کو ل سالا 1920 ژ دایک بوویە، وی د سەردەمێ کیم ئێل سونگ دا ئه‌ركێن گرنگ د پارتیێ دا وه‌رگرتینه‌، ل سالا 1973 شوونا برازایێ خوە و رێبەرێ پاشین کیم ژۆنگ ئێل گرتییە.

پشتی وێ ب 20 سالان، کیم یۆنگ ژو بەشداری سیاسەتێ نەبوو، ل 1993ێ وەک ئەندامێ پۆلیتبورۆ و جیگرێ سەرۆکێ وه‌لات ڤەگەریا سیاسەتێ و ل 2009ێ ژی وەک جیگرێ فه‌خری یێ سه‌رۆكێ دیوانا مەجلسا بلند یا گەل هاتبوو هه‌لبژارتن.