تەڤگەرا تالیبان یا ئه‌فغانستانێ ل سەر حه‌سابا خوە یا تویته‌رێ ب ناڤێ “ئیماره‌تا ئیسلامی” تویتەک بەلاڤ کر و تێدا ئاماژە ب قەدەغەکرنا بازرگانییا ب دراڤێن بیانی ل وی وەلاتی کر.
تالیبانێ ئیرۆ پێنجشەمبێ 16/12/2021ێ د تویته‌را خوە دا راگه‌هاند: “پشتی جڤینا بەرپرسێن وەزارەتا ناڤخوە، بەرەڤانی، دارایی، سەرۆکوەزیر و بانکا ناڤەندی، بریار هات گرتن: ئێدی هەموو بازرگانی ب دراڤێ ئه‌فغانی بێن کرن.
هەر وها بریار هات دان کو بهایێن بازارێ بهێنه سەرەراستکرن و کرێیا خانی و دکانان تەنێ ب پارێ ئه‌فغانی بهێنه دان.
ته‌ڤگه‌را تالیبانێ گۆت ژی: بریار هات گرتن ب توندی رێ ل بەر قاچاخچێتییا دراڤی بهێته گرتن و یێن کو سه‌رپێچیێ بكه‌ن، بهێنه سزادان.
