ئه‌مه‌ریكا: تركیه‌ ژ بۆی ته‌رۆریستان وه‌لاته‌كێ ترانزێته‌

usa-turkey-iraq

وه‌زاره‌تا ده‌رڤه‌ یا ئه‌مه‌ریكایێ راگه‌هاند كو تركیه‌ ژ بۆ وان كه‌سێن كو دخوازن ته‌ڤلی گرووپێن ته‌رۆریستی ببن، بوویه‌ وه‌لاته‌كێ ترانزێت.

ل گۆری راپۆرتا سالانه‌ یا وه‌زاره‌تا ده‌رڤه‌ یا ئه‌مه‌ریكایێ، تركیه‌ بوویه‌ چاڤكانی و وه‌لاته‌كێ ترانزێت ژ بۆ وان كه‌سێن كو هه‌ولا ته‌ڤلیبوونا گرووپێن ته‌رۆریستی یێن ل ئیراقێ و سووریێ دكه‌ن.

هه‌ر ل گۆری راپۆرتا ئه‌مه‌ریكایێ، ل هه‌مان ده‌مێ تركیه‌ ژ بۆی وان ته‌رۆریستان ژی وه‌لاته‌كێ ترانزێته‌ یێن كو ئیراقێ و سووریێ ب جی دهێلن.

ژ هێلا خوه‌ ڤه‌، تانژوو بیلگیچ، به‌رده‌ڤكێ وه‌زاره‌تا ده‌رڤه‌ یا تركیێ راپۆرا وه‌زاره‌تا ده‌رڤه‌ یا ئه‌مه‌ریكایێ ره‌خنه‌ كر، ژ به‌ر كو وێ راپۆرێ یه‌كینه‌یێن پاراستنا گه‌ل یه‌په‌گه‌ كو هێزا سه‌ره‌كه‌ یا هێزێن سووریایا ده‌مۆكراتیكه‌، ب ته‌رۆریست ناس نه‌كرنه‌.