“3 ھەفتەنە بایدن بەرسڤا پەیوەندیا تەلەفۆنییا بێنت نادەت!”

"3 ھەفتەنە بایدن بەرسڤا پەیوەندیا تەلەفۆنییا بێنت نادەت!"

مەدیا ئیسرایلێ راگھاندیە کو سەرۆکێ ئامەریکایێ جۆ بایدن نێزیکی 3 ھەفتەیانە بەرسڤا پەیوەندیا تەلەفۆنی یا سەرۆکوەزیرێ ئیسرایلێ نەفتالی بێنت نەدایە.

کانالا 13 یا ئیسرایلێ یا نێزیکی ئۆفیسا سەرۆکوەزیرێ ئیسرایلێ ل سەر زارێ چاڤکانیەکێ خوە، ئاشکەرا کریە کو ب چ ئاوایی بایدن نە ئامادەیە دەربارێ ئیرانێ دا لگەل سەرۆکوەزیرێ ئیسرایلێ نەفتالی بێنت باخڤیت.

چاڤکانیێ دیار کریە کو ئۆفیسا سەرۆکوەزیرێ ئیسرایلێ ژ بۆ پەیوەنیەکا تەلەفۆنی ل گەل سەرۆکێ ئامەریکایێ جۆ بایدەن ئەنجام بدەت د ناڤ ھەولدانێ دایە، لێ ھەتا نھا کۆشکا سپی ئامادە نەبوویە بەرسڤا وێ داخوازیا ئیسرایلێ بدەت.

ھێژایی گۆتنێیە، ئیسرایل ل دژی ڤەگەرا ئامەریکا یا پەیمانا ئەتۆمی یا لگەل ئیرانێ یە و رێڤەبەریا بایدن ژی دخوازیت ب رێیێن دیپلۆماتیک ئیرانێ ڤەگەرینیتە سەر پەیمانێ کو ئیسرایل ژ بەر ھەولێن ئیرانێ یێن پێشخستنا چەکێن ئەتۆمی ل بژاردەیێن لەشکەری بۆ ئیرانێ دفکریت.

تەل ئەڤیڤ د دەمەکێ کو دانووستاندنێن ڤییەنایێ ژ بۆ ڤەگەرا ل رێکەفتنا ئەتۆمی تێنە کرن دا، دخوازیت جڤاکا ناڤدەولەتی رازی بکەت، زەختێ ل ئیرانێ بکەن داکو تەھران نەچار ببیت دەست ژ بەرنامەیا خوە یا ئەتۆمی بەردەت.