د حه‌فتیه‌كێ دا 12 مووشه‌كێن «كاتیوشا و گراد» ب سه‌ربازگه‌ها تركیێ یا ل زێلكان كه‌تنه‌

زیلكان-turkey-army-iraq-basheqa

سه‌ربازگه‌ها زێلكان یا ئارتێشا تركیێ ل سنۆرێ مووسلێ، ل شه‌ڤا ده‌رباسبوویی راستی هێرشه‌كه‌ دی یا مووشه‌كی هات، ئه‌ڤه‌ ژی دبیته‌ جارا سێیه‌مین د ده‌ما حه‌فتیه‌كێ دا‌، هێرش ل سه‌ر وێ سه‌ربازگه‌هێ تێ كرن.

ل شه‌ڤا ده‌رباسبوویی 2-1-2022ێ، شەش مووشەکێن گراد، ب نێزیكی بارەگەها ئارتێشا ترکیێ یا ل ناڤچەیا زێلکان، ل سنۆرێ پارێزگەها نەینەوایێ کەتن.

ل گۆری ئاگاهيێن پێگه‌ها «دژە تەرۆرێ» یا هەرێما کوردستانێ، ئه‌و مووشەک ب دەردۆرا گوندێ جوبران یێ ل نێزیكی بارەگەها ئارتێشا ترکیێ ل زێلکان کەتنە، لێ بەلێ چ زیانێن گیانی نەبوونە.

هەروەها دەستنیشان کر، مووشەک ژ سەر ئوتۆمۆبیلەکا بارهەلگر یا ژ جورێ کیا ژ گوندێ ب ناڤێ جەربوعە، یێ ناڤچەیا باشیکێ هاتنە ئاڤێتن.

سیسته‌ما به‌رگریێ یا بارەگەها ئارتێشا ترکیێ ل زێلكان ژی، بەرسڤا ڤێ هێرشێ دانە.

هێژای گۆتنێ یە، ئەڤه‌ دبیته‌‌ جارا سێیەمین د دەما حه‌فتیه‌كێ دا، بارەگەها ئارتێشا ترکیێ یا ل زێلکان تێ مووشەک باران کرن، هێرشا یه‌كه‌مین ل 27 دیسامبه‌را 2021ێ بوو و هێرشا دوویه‌مین ژی ل 31 دیسامبه‌رێ هاتبوو ئه‌نجام دان.

پێگەهێن مەدیایێ یێن حەشدا شەعبی پاش هێرشا 27 دیسامبه‌رێ، ب ئاوایەکی نەراستەراست بەرپرسیارییا هێرشی هلدان سەرێ حەشدێ و ژبۆی ئارتێشا ترک سلۆگانا «جهێ وە ل ڤێرێ نینه‌» به‌لاڤ كربوون.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری