مەزلووم عەبدی: د شەرێ پەکەکێ و ترکیێ دا ئەم بێ لایەنین

مەزلووم عەبدی: د شەرێ پەکەکێ و ترکیێ دا ئەم بێ لایەنین

 فەرماندارێ گشتی یێ ھێزێن سووریا دەمۆکراتیک (ھەسەدێ) مەزلووم عەبدی رادگھینیت، پەیوەندیێن وان لگەل حکووماتا شامێ دا قوت نەبوونە.

فەرماندارێ گشتی یێ ھەسەدێ مەزلووم عەبدی د ھەڤپەیڤینەکێ دا لگەل ئەنستیتویا لێکۆلینێن واشنگتۆنێ دا راگھاند، پێوەندیێن وان لگەل حکوومەتێ دا بەردەوامن و نەھاتنە قوتکرن، لێ حکوومەت ھیژ ژی ژ بۆ چارەسەریێ نە ئامادەیە.

عەبدی دیار کر، ئەو دخوازن پرسگرێکێن د ناڤبەرا وان و شامێ دا چارەسەر ببن، لێ حکوومەتا شامێ ب ھەلوەستا “ئالیێ سەرکەفتی” سەرەدەریێ دکەت و دخوازیت بریارێن خوە بسەپینیت و ڤەگەریتە پێش سالا 2011ێ.

ل سەر پەیوەندیێن لگەل ئالیێن ئۆپۆزیسیۆنا سووریێ ژی مەزلووم عەبدی دیار کر، پەیوەندیێن وان لگەل ئۆپۆزیسیۆنێ دا نە باشن، ب تایبەت پشتی داگیرکرنا عەفرین، گرێ سپی و سەرێ کانیێ.

فەرماندارێ گشتی یێ ھەسەدێ گۆت ژی، ئەو پێشبینی دکەین ئیسال گوھەرتن د پرۆسەیا سیاسی یا سووریێ دا چێببن.

دەربارێ پەیوەندیێن لگەل ھەرێما کوردستانێ دا، فەرماندارێ گشتی یێ ھەسەدێ گۆت، وان چ پرسگرێکێن لگەل ھەرێما کوردستانێ دا نینن و ئەو ھەول ددەن پەیوەندیان لگەل ھەر کەسەکێ دا، لگەل ھەموو پارتیان و سەرکردەیێن وان دا دەینن.”

مەزلووم عەبدی تەکەز کر ژی، دڤێت کورد ناکۆکیێن خوە ب دیالۆگێ چارەسەر بکەن و رژاندنا خوینا کوردان حەرامە.”

دەربارێ ترکیێ دا ژی مەزلووم عەبدی گۆت، ئەو دخوازن ناکۆکیێن خوەیێن لگەل ترکیێ دا ب ریا دیالۆگێ چارەسەر بکن، ژ بەر کو ھەسەدێ چەندین جاران ئاشکەرا کریە، ئەو نە ئالیەکێ شەرێ د ناڤبەرا ترکیا و پەکەکێ دایە.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری