درەوەکا دی یا مەدیایا پەکەکێ کەشف بوو

درەوەکا دی یا مەدیایا پەکەکێ کەشف بوو

ھەفتەیا بۆری ھندەک مەدیایێن رۆژئاڤایێ کوردستانێ و سووریێ بەحسا وێ یەکێ دکر کو ئامەریکایێ داخوازا دەمەکێ ژ ترکیێ کریە بۆ ڤەکشینا ژ سووریێ. چاڤکانیا نووچە-راپۆرتان سەردانەکا سەرۆکا کۆمسیۆنا ئازادیا ئۆلی یا ناڤدەولەتی نەدین ماینزا بوو کو گۆتیە، حکوومەتا وەلاتێ وێ داخواز ژ ترکیێ کریە کو ژ سووریێ ڤەکشیت و خشتەیەکێ (بەرنامە) ژی بدەتە ئامەریکایێ کا چاوا و کەنگی ژ سووریێ دێ ڤەکێشیت.

لێ هات زانین ئامەریکایێ داخوازەکا وەھا ژ ترکیێ نەکریە و نەدین ماینزا ب رێیا-مالێ ژ بۆ رووداوێ گۆت کو ئەو ب سەردانەکا تایبەت ل رۆژئاڤایێ کوردستانێ بوویە، نە وەک نوونەرتیا حکوومەتا ئامەریکایێ. ل سەر پرسا کا گەلۆ حکوومەتا ئامەریکایێ داخوازا ڤەکشینێ ژ ترکیێ کریە، ماینزا بال کشاند سەر وێ راپۆرتێ کو کۆمسیۆنا وێ ژ بۆ حکوومەتا ئامەریکایێ شاندیە.

نەدین ماینزا، سەرۆکا کۆمسیۆنا ئازادیا ئۆلی یا ناڤدەولەتی یا ئامەریکایێ یە، وێ کۆمسیۆنێ ژی د راپۆرتا خوەیا سالانە دا ھندەک پێشنیار بۆ حکوومەتا ئامەریکایێ کرنە، یەک ژ وان پێشنیاران ئەوە کو ئامەریکا داخوازێ ژ ترکیێ بکەت کو ژ سووریێ ڤەکشیت. پێشنیارەکا دی ژی ئەوە کو حکوومەتا ئامەریکایێ ب فەرمی دانووستاندنێ لگەل رێڤەبەریا خوەسەرا رۆژئاڤایێ کوردستانێ بکەت. لێ ھەتا نھا ژی حکوومەتا ئامەریکایێ بەرسڤا پێشنیارا کۆمسیۆنا ئازادیا ئۆلی نەدایە.

کۆمسیۆنا ئازادیا ئۆلی یا ناڤدەولەتی، سازیەکا فەدەرالی یا حکوومەتا ئامەریکایێ یە، لێ سەربخوەیە. کارێ وێ کۆمسیۆنێ، نە بریاردان و ئاخافتنا ب ناڤێ حکوومەتا ئامەریکایێ یە. لێ کارێ وێ پێشنیارکرنا سیاسەت و بریارانە بۆ حکوومەت و کۆنگرێسا ئامەریکایێ. داخوازەکا وەھا ئەگەر ژ ئالیێ ئامەریکایێ ڤە ژ ترکیێ ھاتبیتە کرن، دا ژ ئالیێ وەزارەتا دەرڤەیا ئامەریکایێ ڤە ب فەرمی یان نە فەرمی هێتە راگھاندن.

 

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری