سەرۆکێ کۆمەلەیا شێخ سەعید و ھەڤالێن وی دا خویاکرن، د سالڤەگەرا 97 یا سەرھلدانا شێخ سەعید دا ژی، مافێن کوردان نایێن قەبوولکرن و جوداھی دناڤبەرا ترکیەیا نھا ژ یا 1925ێ دا نینە.
کۆمەلەیا شێخ سەعید و ھەڤالێن وی، ب مەبەستا سالڤەگەرا 97 سەرھلدانا شێخ سەعید، ل دیاربەکرێ داخویانیەک بەلاڤ کر.
سەرۆکێ کۆمەلەیێ و نەڤیێ شێخ سەعید، محەمەد قاسم فرات دا خویاکرن، پشتی 97 سالان فشارێن ل سەر کوردان بەردەوامن و کورد ژ ھەموو مافێن خوە بێبارن و رەوشا نھا ژ سالا 1925ێ جوداتر نینە.
فرات گۆت، کوردان پشتی شەرێ جیھانی یێ یەکەمین دۆزا وەلاتێ خوە کرن، لێ کوردستان ھاتە پارچەکرن و ل چ پارچەیەکێ مافێن وان نەھاتن قەبوولکرن.
ھەروەھا گۆت ژی، ب ڤێ ئارمانجێ شێخ سەعید و ھەڤالێن وی سەری ھلدان، لێ پشتی شکەستنا سەرھلدانێ و بدارڤەکرنا شێخ سەعید و 47 ھەڤالێن وی، ھین ژی جھێ گۆرێن وان نایێن دیارکرن.
سەرھلدانا 19225ێ کو د 13ێ شوباتێ دا دەست پێ کربوو، پشتی کو سەرھلدان تێکچووبوو، شێخ سەعید ئەفەندی و ھەڤالێن وی د 29ێ خزیرانا ھەمان سالێ دا، ل دیاربەکرێ ھاتبوون دارڤەکرن.
