پوتن: رووسیا شەر ناخوازە

Putin Scholz table

شێورمەندێ ئالمانیایێ ئۆلاف شۆلز سەردانا مۆسکۆيێ کر و ل گەل سەرۆکێ رووسیایێ ڤلاديمێر پوتن جڤیا و پشتی جڤینێ دیار کر: «ئەز دخوازم باوەری ب وێ یەکێ بکم کو هەماهەنگییا مە ل گەل سەرۆکێ ئوکراینا و رووسیایێ هەیە».

ئۆلاف شۆلز د جڤینا چاپەمەنیێ یا هەڤبەش دا راگهاند: «ئەم ئارامکرنا رەوشێ ددۆمینن، ئەز ژ سەرۆکێ ئوکراینایێ داخواز دکم، رێ بدە رایەدارێن ئوکراینی کو هەولا ئارامکرنا رەوشێ بدن، ئەم ناخوازن رۆلا رووسیایێ کێم ببینن، رووسیا وەلاتەکی بهێزە ل ناڤچەیێ».

شۆلز دەستنیشان کر: «دڤێ ئەم رێ ل بەر شەر بگرن و نابە جاردن ئەورۆپایێ تووشی شەر بکن».

د جڤینا چاپەمەنیێ یا هەڤبەش دە سەرۆکێ رووسیایێ ڤلادیمێر پوتن ژی دیار کر؛ نفشەک ل رووسیایێ هەیە کو باوەریا وان ب ئەورۆپایێ نینە، نها ل رووسیایێ رەوشەک چێبوویە، کو ئەندامێن ناتۆیێ چێکرنە، رەوشا نها هاتییە دروستکرن، ووسا کرییە کو کەش و هەوایەکێ خراب ل سەر سینۆران دەرکەڤە هۆلێ، مە هەر دەم بێی مەرج خوە سپارتییە گۆتووبێژان.

ڤلادیمێر پوتن دەستنیشان کر کو رووسیا شەر ناخوازە و گۆت: «مە داخواز کریە کو رەوشەکە هەڤسەنگا ئەولەهیێ ل ناڤچەیێ چێببە، مە ژ بۆ چارەسەریێ چەندین پێشنیاز پێشکێش کرنە، چ بەرسڤ نەگهشتیە مە، نها ژی ئەم گۆتووبێژێ رەد ناکن».

پوستێن ھەمان بەش