باندۆرا شەرێ رووسیا و ئوکراینایێ ل سەر رۆژاڤایێ کوردستانێ

باندۆرا شەرێ رووسیا و ئوکراینایێ ل سەر رۆژاڤایێ کوردستانێ

رووسیا ل سووریێ وەلاتەکی گارانتۆر دهێت ھژمارتن، د دەما لگەل حکوومەتا ڤی وەلاتی رێڤەبەریا خوەسەر ب جوداخوازیێ تۆھمەتبار دکەن، ھەڤدەم دانپێدان ب ھەردوو ناڤچەیێن دۆنەتسک و لوھانسک ل رۆژھلاتێ ئوکراینایێ کرن.

د ڤێ دەربارێ دا سەرۆکێ زانینگەھا رۆژئاڤا ل قامشلۆ ئاشکەرا دکەت، کو دو رووتیەکا سیاسی د پەیوەدنیێن ناڤدەولەتی دا ھەیە.

سەرۆکێ زانینگەھا رۆژئاڤا و ئەندامێ ناڤەندا فەراتێ یا لێکۆلینان در. عەبدوللا مستەفا دبێژیت «ب راستی ل ڤێ دەرێ دهێتە بیرا مرۆڤی کا نیفاقا ناڤدەولەتی چقاس بێسینۆرە. دو کۆمارێن نە فەرمی د ناڤا وەلاتەکێ خوەدی سنۆر و حکوومەت دا ھاتن قەبوولکرن. د ھەمان دەمێ دا ھەرێما مە رۆژئاڤا، باکورێ رۆژھلاتێ سووریێ ب تۆھمەتا جوداخوازیێ تێ توانباررکن.»

پشتی ئێریشا رووسیایێ بۆ سەر ئوکراینایێ، چاڤدێر و پسپۆرێن سیاسی یێن رۆژئاڤایێ کوردستانێ ترسا وان ژ وێ یەکێ ھەیە، کو ترکیێ ڤێ یەکێ وەک دەرفەت ببینیت و ئێریشی چەند ناڤچەیێن دی ل رۆژئاڤایێ کوردستانێ بکەت، لێ در. عەبدوللا مستەفا وێ یەکێ دوور دبینیت، و داخوازێ ژ بەرپرسێن رێڤەبەریا خوەسەر دکەت، د ڤی واری دا ھشیار بن.

در. عەبدوللا مستەفا گۆت ژی «رەوشا ناڤدەولەتی د ناڤا سووریێ دا ئیرۆ بەرێ خوە ددەتە رەوشەکا نوو. ئەم ببێژین یان نەبێژین، رەوشا تێکلیێن رووس و ئامەریکایێ بەری کریزا ئوکراینایێ، وەک پشتی کریزێ نابیت. ترک نەما دکارێن وێ لیستکێ بکەن. ئێدی ل سەر لیستکا کوردان دمینیت، خوینەک جەمدی ژ بۆ دڤێت و دڤێت مرۆڤ خەونێن بێ واتە و بێ سینۆر نەبینیت.»

چاڤدێرێن پەیوەندیدار ب دۆسیەیا سووریێ تەکەز دکەن، پشتی ئێریشا رووسیایێ بۆ سەر ئوکراینایێ دێ گەلەک ھەلوەستێن سیاسی و پێگەھێن سەربازی ل سووریێ هێنە گوھەرتن، ئەگەرا ھەری مەزن ژی ئەوە، پێگەھا کوردا خورت ببیت و پێشڤەچوونەکێ د وارێ سیاسی دە بدەست بخن.

پوستێن ھەمان بەش