31 سال ل سەر کۆچبەریا گەلێ باشوورێ کوردستانێ دەرباس بوون

31 سال ل سەر کۆچبەریا گەلێ باشوورێ کوردستانێ دەرباس بوون

31 سال بەری نها د رۆژا 31/3/1991ێ ئانکو تەنێ 10 رۆژان پشتی راپەرینا گرسەیی یا گەلێ باشوورێ کوردستانێ، یا ب پشتەڤانیا ھێزێن پێشمەرگەیێن «بەرەی کوردستانێ» ڤە گەھەشت ئاستا ھەری بلند و پرانیا ئاخا باشوورێ کوردستانێ ژ دەست ھێزێن رەژیما «بەعس»یا ئیراقێ ھاتن رزگار کرن، رەژیما «بەعس» ئێریشەکا بەرفرەھا بەژایی و ئەسمانی ل سەر باشوورێ کوردستانێ پێکانی و پرانیا گەلێ باشوورێ کوردستانێ ب کۆچبەریەکا جەماوەری ئانکو کۆمجڤاکی ڤە بەرێ خوە دان رۆژھلات و باکورێ کوردستانێ.

پشتی راپەرینا گرسەیی و رزگار کرنا باژارێن باشوورێ کوردستانێ، رەژیما وێ دەمێ یا ئراقێ یا ب سەرۆکاتیا «سەدام حوسێن»ێ دیکتاتۆرێ بەرێ یێ ئیراقێ، ب ھەزاران تانک، زریپۆش، بالەفر و ھەلیکۆپتەرێن لەشکەری ڤە ئێریشەکا ئەردی ئانکو بەژایی و ئەسمانی یا بەرفرەھ ل سەر باژارێن باشوورێ کوردستانێ کر و ب ملیۆنان خەلک وەک نیشاندانا نەرازیبوونا دژی بندەستیا بەعس، مال و باژارێن خوە بجیھ ھشتن و بەرێ خوە دانە سینۆرێ رۆژھلات و باکورێ کوردستانێ و د وێ رۆژێ دا ھەژمارەکا زێدەیا خەلکێ کوردستانێ ژی شەھید بوون.

د وێ کۆچبەریا ملیۆنی دا، د بن چاڤدێریا ئێریشێن بالەفری و بۆمبەبارانێن بالەفرێن شەری یێن حکوومەتا بەغدایێ خەلکەکێ زێدە و ب تایبەت ژن و زارۆک و پیر و کال بوون قوربانی. ژ بەر وێ یەکێ ژ بوویەرێن ھەری ھەژینەرێن وێ قۆناغا باشوورێ کوردستانێ ژی ئەو کۆچبەریا گرسەیییە و شرۆڤەکار دبێژن ئەو کۆچبەریا خەلکێ باشوورێ کوردستانێ وەک نەرازیبوونا ھەری مەزن و سەرھلدانا سڤیلان ل ھەمبەر داگرکەریێ بوو.

پشتی وێ کۆچبەریا ملیۆنی گەلێ کۆچبەرێ باشوورێ کوردستانێ ل باژارێن رۆژھلات و باکورێ کوردستانێ، ب دەھان کامپێن لەشکەری دا ھاتن بجیھ کرن و راستی گەلەک ئێش و بەلایان ھاتن.

ھێزێن داگیرکەرێن رەژیما «بەعس» پشتی داگیرکرنا ھەولێر و ناڤچەیێن دن یێن کوردستانێ و کۆچبەریا گرسەیی یا گەلێ کوردستانێ، دخواست ھەتا ناڤچەیێن «سۆران، بالەکایەتی و حاجی عۆمەران» پێشدا بچیت، لێ رۆژا 7ێ نیسانێ ھەتا 11ێ نیسانا 1991ێ ژ ئالیێ ھێزێن پێشمەرگەیێن کوردستانێ ڤە ب سەرۆکاتیا سەرۆک بارزانی دا دەستانەکا قەھرەمانیێ یا 4 رۆژان ب ناڤێ «داستانا کۆرێ» ڤە ھێزێن داگیرکەر ھاتن شکاندن و حکوومەت ناچار ما دانووستاندنان بکەت.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami