د ئۆپەراسیۆنەکێ دا ل باژارێ سامسونێ یێ ترکیێ، شەش ئیراقی ب تۆهمەتا کو ئەندامێن رێخستنا داعشێ نە هاتن دەستەسەر کرن.
ئیرۆ چارشەمبێ 6ێ نیسانا 2022ێ تیمێن به‌شا دژه تەرۆرێ، ئیستیخبارات و هێزێن تایبەت یێن سەر ب رێڤەبەرییا گشتی یا ئاساییشا سامسونێ ڤه، ژ بۆ دەستەسەرکرنا 7 کەسێن ئیراقی ئۆپەراسیۆنەک کرن و ل باژارۆکێن ئیلکادم، ئاتاکوم و تەکەکۆ یێن سامسونێ ب سەر چەند جهان دا گرتن.
ل گۆر داخویانییا رێڤەبەرییا گشتی یا ئاساییشا سامسونێ، د چارچۆڤەییا ئۆپەراسیۆنێ دا شەش کەس هاتن دەستەسەر کرن و ناسنامەیا وان ئراقی نە و د دەمێن بۆری دا «ل ئیراق و سووریێ کار بۆ داعشێ کرنە».
هات راگه‌هاندن كو د ئۆپه‌راسیۆنێ دا دەست ب سەر چەندین بەلگەنامە و کەلووپەلێن دژیتال دا هاتییه گرتن بۆ دەستەسەر کرنا ئراقیێ دی ژی ئۆپەراسیۆن بەردەوامە.
