ئارمانجا ئۆپه‌راسیۆنا نوو یا ئاردۆگان داگیركرنا تلرفعه‌ت و كۆبانیێ نه‌

kobani-kurdistan

ئۆپه‌راسیۆنا چاڤه‌رێكری یا ئارتێشا تركیێ ب پشتگرییا كۆمێن وێ یێن چه‌كدار یێن ب ناڤێ «ئارتێشا نیشتمانی یا سووریێ» نێزیك بوویه‌، ئارمانجا ڤێ جارێ دێ داگیركرنا باژارێن كۆبانیێ و تلرفعه‌تێ یێن رۆژئاڤایێ كوردستانێ بن.

چه‌ته‌یێن «ئارتێشا نیشتیمانی یا سووری» كو تركیه‌ پشتگریێ دده‌ته‌‌ وان، راگه‌هاندنه‌ كو ئه‌و ئامادەنە بەشداری هه‌ر هێرشه‌كێ ببن كو تركیه‌ ل دژی یه‌په‌گێ ل باکورێ سووریێ ئه‌نجام بده‌ت‌.

ئەنقەرەیێ ژ سالا 2016ێ 3  هێرش ل رۆژئاڤایێ كوردستانێ ئه‌نجام داینه‌، ب سەدان کیلۆمەتر زەڤی گرتینە و ب کووراهیا 30 کیلۆمەتران کەتینە تێدا، د ئۆپەراسیۆنا دا وان یەکینەیێن پاراستنا گەل یه‌په‌گێ، باسكێ په‌كه‌كێ یێ رۆژئاڤا كوردستانێ كربوون ئارمانج.

چاڤکانیێن ئیستخباراتا هەرێمی ئاشكه‌را كرینه‌ کو ئه‌نقه‌ره‌یێ ب کێمی 18 هەزار لەشکەر ل ناڤ سووریێ هەنە.

حه‌فتییا رابووری، سەرۆکۆمارێ ترکیێ رەجەب تەیب ئەردۆگان گۆتبوو کو ئەنقەرە دێ د دەمەکێ نێزیک دا دەست ب ئۆپەراسیۆنێن لەشکەری یێن نوو ل سەر سنۆرێن خوە یێن باشووری كه‌ت، ژ بۆ ئاڤاکرنا ناڤچەیێن ئەولەهیێ ب کووراهیا 30 کم ژ بۆ رووبرووبوونا گەفێن یه‌په‌گێ.

ئارمانجا هێرشا نوو یا تركیێ ل رۆژئاڤایێ كوردستانێ

ئەفسەرەکی د هێزێن ئۆپۆزسیۆنا سووریێ دا گۆت کو ئارمانجێن سەرەکی یێن هێرشێ تەلرفعه‌ت و كۆبانیێ نه‌، گرتنا ڤان باژارۆكان دێ رێ ل به‌ر تركیێ ڤه‌كه‌ت کو ناڤچه‌یێن ژێر كۆنترۆلا خوه‌ ل باكورێ سووریێ ب هەڤ ڤە گرێبدەت.

دو چاڤکانیێن ئۆپۆزسیۆنێ گۆتن کو حه‌فتییا رابووری ترکیێ بەشەک ژ دیوارێ كۆنكریتی یێ ل نێزیکی کۆبانی هلوەشاند، کو ئەنقەرێ ب درێژاهیا 911 کم ل سنۆرێ سووریێ چێکربوو، ب مەبەستا دەرباسکرنا لەشکەران بۆ ناڤ باژارێن سنۆری.

هەلوەستا ئه‌مەریکا

بەری نها ئه‌مەریکا ب رێیا پەیڤدارێ وەزارەتا دەرڤە نێد پرایس، نیگەرانیا خوە یا مەزن ل سەر داخویانیا ئەردۆگان ده‌ربری کو گۆتبوو، وەلاتێ وی دێ د دەمەک نێزیک دا دەست ب ئۆپەراسیۆنەکا لەشکەری یا نوو ل باکورێ سووریێ كه‌ت ژ بۆ ئاڤاکرنا “هەرێمەکا ئەوله‌هیێ” ب کووراهییا 30.

ژ ئالیێ خوە ڤە، سەرۆکۆمارێ ترکیێ تەکەز کر، کو ئەنقەرە ژ بۆ دەستپێکرنا ئۆپەراسیۆنەکا لەشکەری یا نوو ل سووریێ، ل بەندا “دەستوورا” ئه‌مەریکایێ نامینیت.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami