مه‌زلووم عه‌بدی ژ جڤاكا ناڤده‌وله‌تی دخوازیت رێ ل هێرشا نوو یا تركیێ بگرن

mazloum-abdi-kobani

فەرماندارێ گشتی یێ هێزێن سووریەیا دەمۆکراتیک، مەزلووم عه‌بدی ژ بەر گەفێن ترکیێ یێن دەستپێکرنا هێرشەکا نوو یا ل دژی رۆژئاڤایێ کوردستانێ نیگەرانیا خوە دیار كر و بانگ ل جڤاکا ناڤدەولەتی و ئاکتۆرێن د رەوشا سووریێ دا کر کو «رێ ل تراژیدیێن نوو بگرن و پشتگریێ بده‌نه‌ کێمکرنا ئالۆزییان».

ل ڤان دەمێن داویێ ترکیێ گەفێن خوە ل دژی رێڤەبەرییا خوەسەر یا ل باکور رۆژهلاتێ سووریێ (رۆژئاڤا) و هێزێن سووریەیا دەمۆکراتیک (هه‌سه‌دێ) زێدەتر کرینە.

سەرۆککۆمارێ ترکیێ رەجەپ تاییپ ئەردۆگان و وەزیرێن بەرەڤانی و دەرڤە یێن ترکیێ د دو هەفتیێن رابووری دە چەند جاران گەف كرینه‌ کو ئارتێشا ترکیێ دێ د دەمەکێ نێزیک دا ئۆپەراسیۆنەکا نوو ل باکورێ سووریێ ئه‌نجام ده‌ت.

داوی جار ئەردۆگان دوهـی چارشەمبێ گەفێن ل دژی رۆژئاڤایێ کوردستانێ دوبارە کر و راگه‌هاند، ئەو دێ ل دەستپێکێ باژارۆکێ تل رفعەت و باژارێ منبجێ ژ دەست هێزێن کوردی ده‌رێخن.

ل بەرامبەر زێدەبوونا گەفێن ترکیێ، فەرماندارێ هه‌سه‌دێ، مەزلووم عه‌بدی داخویانیەک دا.

مەزلووم عه‌بدی ل سەر تویته‌رێ دلگرانییا خوە ل هەمبەر ئەگەرا ئۆپەراسیۆنەکا نوو یا ترکیێ ل دژی ناڤچەیێن رێڤەبەرییا خوەسەر دیاركر و راگه‌هاند، «ئەم ژ تەهدیدێن نوو یێن ترکیێ یێن کو مەترسییەکا مەزن ل سەر باکورێ سووریێ چێدکەت، نیگەرانین».

مەزلووم عه‌بدی ئاماژە ب كارتێكرنێن نه‌رێنی یێن ئەگەرا هێرشەکا نوو یا ترکیێ ل دژی رۆژئاڤایێ کوردستانێ دکەت و دبێژیت، «هەر هێرشەک دێ سوورییان پارچە كه‌ت، کریزەکا مرۆڤی یا نوو چێكه‌ت، و ئاكنجیێن ره‌سه‌ن و ئاوارەیان کۆچبەر كه‌ت. زێدەبوونا ئالۆزییا نوو دێ كارتێكرنه‌كا نه‌رێنی ل هه‌ولێن مە یێن ل دژی داعشێ ژی كه‌ت».

فەرماندارێ هه‌سه‌دێ بانگ ل جڤاکا ناڤدەولەتی دکەت و دبێژیت: «ئەم بانگ ل ئاکتۆران دکه‌ین کو رێ ل تراژیدیێن نوو بگرن و پشتگریێ بده‌نه‌ کێمکرنا ئالۆزییان».

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami