بەردەڤکێ بەرێ یێ هەسەدێ: مەزلووم عەبدی ل ھەمبەر درۆنێن ترکیێ د بریارگەھێن ئامەریکایێ دا دژی

بەردەڤکێ بەرێ یێ هەسەدێ: مەزلووم عەبدی ل ھەمبەر درۆنێن ترکیێ د بریارگەھێن ئامەریکایێ دا دژی

بەردەڤکێ بەرێ یێ ھێزێن سووریا دەمۆکراتیک (ھەسەدێ) تەلال سلۆ، کو پشترا چوو خوە رادەستی ترکیێ کر دەربارێ پێکھاتەیا ھەسەدێ، فەرمانداریا وێ و پێوەندیێن وێ یێن ل گەل پەکەکێ و ئامەریکا و رووسیایێ دا داخویانیێن گرنگ دان.

تەلال سلۆ ژ بۆ رۆژنامەیا «ئیندیپێندنت» یا ترکی داخویانی دا و راگەھاند، سالا 2015ێ دا ھندەک گروپێن سووری ل ھەمبەر داعشێ ژ بۆ کو شەر بکن د بن ناڤێ ھەسەدێ بوونە یەک و ب ئاوایەکی ھەڤبەش ژ بۆ کو تەڤگەر بکن بریار دان. د ناڤ وان گرۆپان دا باسکێ پەکەکێ یێ سووریێ یێ لەشکەری «یەپەگە» ژی ھەبوو. ترکیێ یەپەگە وەک رێخستنا تەرۆریست پێناسە کربوو. لێ یەپەگێ د ھەموو ناڤەندێن بریارا ھەسەدێ دا بوو دەستھلات.

بەردەڤکێ بەرێ یێ ھەسەدێ «تەلال سلۆ» بخوە کەسەکێ ژ «چۆبانبەیلی»یە و ترکمەنە و ل دژی رەژیما سووریێ د ناڤ ئۆپۆزیسیۆنا سووریێ یا ل دژی رەژیمێ شەر دکر دا جیھدگرت و د مەھا مژدارا سالا 2017ێ ژی ژ ھەسەدێ جودا بوو و دەرباسی قادێن د بن کۆنترۆلا ھێزێن ئۆپۆزیسیۆنا سەر ب ترکیێ بوو و پشترا ژی خوە رادەستی ترکیێ کر. سلۆ دەربارێ پێوەندیێن ھەسەدێ و پەکەکێ، ئۆپەراسیۆنێن ب درۆنان یێن ترکیێ یێن ل سووریێ، ئۆپەراسیۆنا عەفرینێ یا ترکیێ و بەریا وێ، ھەروھا چەکدار کرنا زارۆکان و چەکێن ئامەریکایێ یێن دەست پەکەکێ دا، داخویانیێن گرنگ دان «ئیندیپێندنتا» ترکی.

ئامەریکایێ ناڤێ ھەسەدێ پێشنیار کر

تەلال سلۆ راگەھاند: ناڤێ ھەسەدێ، ئامەریکیان ژ بۆ «مەزلووم عەبدی» پێشنەیار کرن. ئەز وێ دەمێ د ناڤ «جەیشول سوڤار» (ئارتێشا شۆرەشگەران) یا کو ل ھەمبەر رەژیما بەشار ئەسەد ئۆپۆزیسیۆنەکا چەکدار و شەرکەر بوو دا بووم. رۆژا 10/10/2015ێ ئەز ژ عەفرینێ چووم حەسەکێ. رۆژا 15/10/2015ێ ل حەسەکێ جڤینەکا کو 41 کەس تێدا بەشدار بوون پێکھات و ئەو ناڤ (ھەسەدە) د وێ جڤینێ دا ھات پێشنەیار کرن. دھاتە گۆتن کو بلا ناڤەکێ کو ھەرکەسێ بگرە ناڤخوە بە، ژ بەر کو د جڤینێ دا دەرڤەیی یەپەگێ، عەرەب، ترکمەن و سریانی ژی ھەبوون.

مە دگۆت قەی مەزلووم عەبدی بەرپرسیارە، لێ ئەو تام د بن کۆنترۆلا سەبری ئۆک دا بوو

تەلال سلۆ دەربارێ رۆل و مافێ وان پێکھاتەیان یا د ھەسەدێ دا ژی گۆت: نوونەرێن ھەموو پێکھاتەیان د ھەسەدێ دا ھەبوون، لێ فەرمان ژ یەپەگێ دھاتن. یەپەگێ ژی فەرمان ژ جیھەکێ ژۆرتر وەردگرت. مە وسا دزانی کو مەزلووم عەبدی سەر ھەموو کەسەکی رایە، لێ وی ژی فەرمان ژ جیھەکێ دن وەردگرت. بریارێن ھەستیارێن لەشکەری ژ ئالیێ «باھۆز ئەردال» ڤە دھاتن دایین. کۆنترۆلا ھەموو کاران ژی ژ ئالیێ «سەبری ئۆک» ڤە دھاتە کرن. (سەبری ئۆک رێڤەبەرێ کۆما جڤاکێن کوردستانێ – کەجەکێ یا ئاڤاھیا وێ پەکەکێ ئاڤا کریەیە) «سەبری ئۆک» رێڤەبەریا مەجلیسا سووریا دەمۆکراتیکا ل باکورێ وەلات ئاڤابوویی ژی دکر. رێڤەبەریا ئابۆریێ ژی دەست وی دا بوو، ئیستخبارات ژی کۆنترۆل دکر، بریارێن سیاسی بێ «سەبری ئۆک» نەدھاتن دایین. ئالدار خەلیل وەکی کو ژ کارووبارێن سیاسی بەرپرس دھاتە دیتن، لێ بێ سەبری ئۆک نەدکاری چ تشتەکێ بکە.

دەربارێ کوشتنا «باھۆز ئەردال» دا ژی تەلال سلۆ راگەھاند: دەما گۆتن باھۆز ئەردال ھاتیە کوشتن، پشتی وێ ژی مە ھەڤدیتن کر. تەلەفۆنێ بکارناینە، ل سەر ڤایبەرێ ئاگاھداری یەکبوون. گۆتە من نووچەیێ کوشتنا من درەوە، تشتا کو دبێژن ئەز ژ وێ گەلەک مەزنترم. لێ پشترا کارووبارێن خوە رادەستی «نورەدین سۆفی» کر و ئەز باوەرم نھا باھۆز ل «رەقایێ» یە.

مە دزانی کو بەرخوەدانەکا مەزن ل عەفرینێ ناهێت کرن

دەربارێ ئۆپەراسیۆنا ترکیێ یا ژ بۆ عەفرینێ ژی گۆت، رۆژا 29/1/2016ێ مە ل گەل رایەدارێن ئامەریکی، فرانسی و بریتانیایێ جڤینەک پێکانی. د جڤینێ دا «برێت مەکگورک و مەزلووم عەبدی» ژی ھەبوون. ھێزێن بیانی گۆتن، ئەگەر ترکیێ ل عەفرینێ ئۆپەراسیۆنێ بکە، ئەو چ پشتەڤانیەکێ نادن یەپەگێ و ھەسەدێ. ئەو دھاتە وێ واتەیێ کو دەست ژ عەفرینێ بەردابوون. من ژ مەزلووم عەبدی پرسکر، ئەگەر ئۆپەراسیۆن پێکبێ دێ چ بکن، گۆت ئەز ل گەل رەژیما ئەسەد د پێوەندیێ دا مە لێ رەژیم ژی بەردەوام داخوازێن خوە زێدە دکە. مەزلووم عەبدی رازی بوو کو ئالێن رەژیما سووریێ ل عەفرینێ بێن بلند کرن، لێ شامێ گۆت، دڤێت ھوون رێڤەبەریێ رادەستی مە بکن.

دەربارێ پێوەندیێن رووسیا و ھەسەدێ دا ژی تەلال سلۆ گۆت: رووسیایێ ب ئاوایەکێ نەراستەراست ئالیکاریێن گرنگ دانە ھەسەدێ. د دەما ئاڤابوونا ھەسەدێ دا ل قامشلۆ ب رێیا بالەفرگەھێ ڤە ئالیکاریا چەک، تەقەمەنی، ئاموورێن لەشکەری و پارە و ھەتا خۆراک کرن. ئەو ئالیکاری ب رێیا گرۆپا چەکدارا سووار رەقا یا نێزیکی رەژیما سووریێ ڤە ھاتن رادەست کرن.

تەلال سلۆ دیار کر: ئامەریکایێ چ دەمەکێ پشتەڤانیەکا مەعنەوی ژ بۆ ھەسەدێ نەکر. ھەسەدە، تەنێ وەک ھەڤالبەندێ خوەیێ ل قادێ دیت. من جارەکی گۆتە مەکگورک “بلا یەک ژ مە بێ واشنگتۆنێ و ھەری کێم قەھوەیەکی پێشکەش بکن. وی ژی گۆت چ دەمەکێ تشتەکێ وسا نابە.” دەربارێ رێڤەبەریا خوەجھی یا سووریێ دا ژی دگۆتن ئەو مژارە مەسەلەیەکا ناڤخوەیی یا سووریانە. ئامەریکایێ دزانی ھەسەدە و یەپەگە بەردەوام ل گەل رێڤەبەریا شامێ د پێوەندیێ دا نە.

سلۆ گۆت: “ئەندامێن یەپەگەێ یێن دەرکەتن دەرڤەیی وەلات ژی، ب پاساپۆرتێن کو شامێ دانە وان ڤە دەرکەتن. دەما کو داعش ژی ھەبوو، نەفت و پەترۆلا وان ھەرێمان ل سەر داعشێ را ھاتە شاندن.

ئامەریکایێ چەک دابانە مە، دا پەکەکەئیەک هێت و ھەموویان بەت

تەلال سلۆ دەربارێ چەکێن ژ یەپەگێ را ھاتنە دایین و بکارئانینا وان دا ژی راگەھاند: ” ئامەریکایێ دەما چەک ددا پێکھاتەیێن ھەسەدێ ئیمزا ژ بەرپرسان دخواست. ب ناڤێ ترکمەنان من ئیمزا ددا و چەک وەردگرتن. ب ناڤێ سریانیان «گابریەل کنۆ»، ب ناڤێ عەشیرەتێن عەرەب ژی «شێخ بەندەر» ئیمزا دکر و چەک وەردگرتن. ھەروھا ئەو چەک نەدبوو ل ھەمبەر رەژیما سووریێ ژی بێ بکارئانین و ئەو داخواز و مەرج ژی دھاتە دانین. لێ پشتی کو ئامەریکایی دچوون کەسەکێ کو ژ قەندیلێ ھاتی یێ ب ناڤێ «سەفکانێ پەکەکەیێ» دھات و ئەو چەک ھەموو دبرن. مە نەدزانی بۆ کودەرێ دبە و عەمبار دکە.

تەلال سلۆ گۆت: “ئەز نزانم ئەو چەکێن کو ئامەریکایێ د دەما خەندەقان دا ژ ئالیێ پەکەکێ ڤە ل ھەمبەر ترکیێ ھاتن بکارئانین یان نا. ژ بەر کو پەکەکێ ئەم دوور ل وان تشتا دگرتن. بخوە بریار ددان و بخوە ئەنجام ددان. جڤینێن کو رێڤەبەرێن پەکەکێ بەشدار دبوون، چوونا وان جڤینان ژ بۆ مە قەدەغە بوو.”

مەزلووم عەبدی دەربارا زارۆکێن رەڤاندی گۆتە من: قەت سەرێ خوە نەێشینە، وەک تە نەدیتی تەڤبگەرە

تەلال سلۆ دەربارێ شەرڤانێن زارۆک دا ژی گۆت: ئەو مژار مەزلووم عەبدی ژی دەرباس دکە. مەزلووم عەبدی ژی نکارە بریارێ بدە کو زارۆکەکی شەرڤان ڤەگەریت مالا خوە. چەکدارکرنا زارۆکان پرۆژەیا قەندیلێ یە. ژ زارۆکان دخوازن شۆرەشگەران ئاڤا بکن. من گۆتە مەزلووم عەبدی دڤێت ئەم دەست ژ ڤی تشتی بەردن و گۆتە من، قەت سەرێ خوە نەێشینە، وەک تە نەدیتی تەڤبگەرە.

دەربارێ ئێریشێن ترکیێ یێن ب درۆنان ل ھەمبەر رێڤەبەرێن یەپەگێ و ھەسەدێ ژی تەلال سلۆ گۆت: د سالا 2017ێ دا ئۆپەراسیۆنێن ب درۆنان زێدە بوون. ھەموو ئەندامێن ھەسەدێ رەڤیابوون بۆ چۆلێ و ل وان دەڤەران ژیان دکرن. ل ھەمبەر ئێریشێن درۆنان تەڤدیرێن لەشکەری نایێن وەرگرتن. ئامەریکایێ ل ھەمبەر ئێریشێن درۆنان چەک نەدا ھەسەدێ. ھەسەدە ژی وان چەکان ژ رەژیما سووریێ دخوازە. ژ بەر وێ ژی رێڤەبەرێن ھەسەدێ ب وەساییتێن سڤیل دگەرن. قاسی ئەز دزانم مەزلووم عەبدی ژی ناڤ دا گەلەک رێڤەبەرێن پایەبلند د بریارگەھ ئانکو سەربازگەھێن ئامەریکیان دا ژیان دکن.”

تەلال سلۆ دەربارێ خوە دا ژی گۆت: دەما ھەسەدە ئاڤا بووی مە وسا دزانی ئەڤ دۆزەکە نەتەوییە. لێ من فێم کر کو ئەو نەراستە و پرۆژەیەکا پەکەکێ یا جوداخوازیێ یە. ئەم تەنێ وەک دەکۆر دھاتن بکارئانین. بەری ئەز جودا ببم من دەست ژ کار کێشانا خوە گەلەک جاران پێشکێشی مەزلووم عەبدی کر. لێ ئەگەر تو جودا ببی دێ 48 دەمژمێران دا هێیە کوشتن ئەو پەیام ب ئاوایەکی سەرگرتی نە ئاشکەرا ب من ھاتە دایین. گەلەک کەس نەرحەتن، لێ ژ بەر ئەولەھیا جانی نکارن تشتەکی بکن. ب تایبەت عەشیرەتێن عەرەب ژ رەوشا ھەیی گەلەک نەرحەتن. دڤێ ترکیە ل سەر عەشیرەتان خەباتەک تایبەت بکە.

تەلال سلۆ گۆت: ئەز خوە د ئەولەھیێ دا نابینم. لێ ھەم ل ھەمبەر وەلاتێ خوە من ئەرکا خوە ئەنجامدا، ھەم ژی ژ بۆ بالا جیھانا دەرڤە بکشینم سەر سووریێ و تشتێن تێن ژیان کرن من خواست ھەرکەس بزانە و ژ بەر وێ ئەز رحەتم.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg