ل پارێزگەها ئەدەنێ یا ترکیێ، دەربارێ 38 کەسان دا بریارا دەستەسەرکرنێ هات دان کو هاریكارا سەرۆکێ شارەداریا سەیهانێ فوندا بویروک و هەژمارەک ژ رێڤەبەرێن هه‌ده‌پێ ژی د ناڤ دا نە.
ل گۆری مەدیایا ترکیێ، د چارچۆڤەیا “ئەشکەرەکرنا چالاکیێن په‌كه‌كێ” دا ل هەرێما چوکورۆڤایێ، رێڤەبەریا شاخا رووبرووبوونا تەرۆرێ یا سەر ب رێڤەبەریا ئەمنی یا ئەدەنێ ڤە کار و خەبات کرنە و د ئەنجامێ دا رێڤەبەر و ئالیگرێن هه‌ده‌پێ د ناڤ دە بۆ 38 کەسان بریارا دەستەسەرکرنێ هاتیە دان.
ل گۆر ئاگاهیان، هاریكارا سەرۆکێ شارەداریا سەیهانێ فوندا بویروک ژی د ناڤا وێ لیستەیێ دا یە کو بریارا دەستەسەرکرنا وان دەرکەتیە.
هەروه‌ها د چارچۆڤەیا ڤێ بریارێ دا ئیرۆ 27ێ خزیرانا 2022 ب ئارمانجا دەستەسەرکرنا ڤان کەسان ئۆپەراسیۆن هاتیە دەستپێکرن.
لێ هەتا نها دەربارێ هەژمارا کەسێن هاتنە دەستەسەرکرن چ ئاگاهیەک نەهاتیە بەلاڤ کرن و ئۆپەراسیۆن بەردەوامە.
