نوونەرێ دەزگەھا «لووتکە» یا ل یوونانستانێ «شێخ حوسێن» راگھاند، ئیرۆ شەمبیێ 2یێ تیرمەھا 2022یێ تەرمێن سێ کۆچبەرێن کورد بۆ ھەرێما کوردستانێ دێ هێنە ڤەگوھاستن.
شێخ حوسێن دیار کر، ئیرۆ د دەمژمێر 16:05ێ دا تەرمێن سێ کۆچبەرێن کورد ب رێیا بالافرگەھا ناڤدەولەتی یا ھەولێرێ ڤە بۆ ھەرێما کوردستانێ تێنە ڤەگوھەستن، کو ژ وان دو کەس زارۆکن، یەک ژ وان پێنج سالییە و یەک ژی نەھ سالییە.
حوسێن دەستنیشان کر کو ئەو ھەر سێ وەلاتیێن کورد د 21ێ کانوونا پار، ل یوونانستانێ د دەریایێ دا خەقینبوون. ب ڤەگەراندنا وان 3 تەرمان، ھەتا نھا 17 تەرم بۆ ھەرێما کوردستانێ ھاتنە ڤەگەراندن، بەریا نھا ژی 16 تەرمێن دن ژ بریتانیایێ ھاتبوون ڤەگەراندن.
ل سەر ئەرکێ ئۆفیسا سەرۆکوەزیر مەسروور بارزانی، ب ھەڤاھەنگیا لگەل حکوومەتا یوونانستانێ لێگەرینا تەرمێن وان کۆچبەرێن کورد کو د مەها کانوونێ یا سالا بۆری دا ل دەریایا ئیجە دا وندا بووبوون، بەردەوامە.
