درۆنەکا ئارتێشا ترکیێ ئۆتۆمۆبیلەک د ناڤبەرا قامشلۆ و تربەسپیێ دا بۆمبەباران کر و د ئەنجامێ دا 3 شەرڤانێن یەکینەیێن پاراستنێ یێ ژنێ (یەپەژە) ھاتن کوشتن.
ژێدەرەکی خوەجھی ژ K24 رە راگھاند، درۆنەکا ئارتێشا ترکیێ ئۆتۆمۆبیلەک ل نێزیک رێبەندا «نەمەتلییێ» د ناڤبەرا قامشلۆ و تربەسپیێ دا بۆمبەباران کر.
ژ ئالیێ خوە ڤە، رەوانگەھا سووری یا مافێن مرۆڤان بەلاڤ کر، د ئەنجاما ئێریشێ دا، 3 شەرڤانێن یەپەژێ ھاتن کوشتن.
ژ دەستپێکا ئیسال ڤە، ئارتێشا ترکیێ 38 ئێریش ل ناڤچەیێن ھەسەدێ ب ریا دۆرنەیان پێک ئانینە و د ئەنجامێ دا 27 شەرڤان ھاتنە کوشتنە کو 9 ژ وان ژن و 2 ژی زارۆکن. ھەروھا زێدەتر 70 کەسی ژی بریندار بوونە.