ئیستخباراتا ده‌وله‌تا تركیێ، ئیرۆ كوشتنا به‌رپرسه‌كێ دن يێ پایه‌بلندێ په‌كه‌كێ ب ناڤێ «شاهین» راگهاند، كوشتنا شاهین ب دو رۆژان پاش كوشتنا جێگرا مه‌زلووم عه‌بدی تێ.
ل گۆری ئاژانسا ئه‌نادۆلۆ یا ده‌وله‌تا تركیێ، ئیرۆ رۆژا یه‌كشه‌مبی 24/7/2022ێ كوشتنا به‌رپرسێ پایه‌بلندێ په‌كه‌كێ یێ ب ناڤێ «شاهین تەکینتانگاچێ» و كۆدناڤێ “کەندال ئەرمەنی” راگهاند، شاهین به‌رپرسێ ئه‌نیا كۆبانیێ یا رێخستنا په‌كه‌كێ و یه‌كینه‌یێن پاراستنا گه‌ل یه‌په‌گێ یه.
هات راگهاندن كو شاهین ل هه‌ر یێك ژ ئاگریێ، قەرسێ، وانێ، دێرسم و بدلیسێ ل سەر ناڤێ په‌كه‌كێ خەبتیە و بەشداری چالاكیێن رێخستنێ بوویه.
كوشتنا شاهین ب دو رۆژان پاش كوشتنا «سه‌لوا یووسف» جێگرا مه‌زلووم عه‌بدی فه‌رماندارێ گشتیێ هه‌سه‌دێ، تێ كو بالافرێن كه‌شفێ یێن تركیێ ئۆتۆمۆبیلا وێ ژی ل رۆژئاڤایێ كوردستانێ كرن، ئارمانج.
مه‌زلووم عه‌بدی، ده‌ربارێ كوشتنا سه‌لوایێ ل ئه‌كاونتا خوه یا تویته‌رێ گۆتیه: «ئه‌مێ ل سه‌ر ڤێ كوشتنێ بێده‌نگ نه‌مینن، ئه‌مێ تۆلا وێ هلینین».
